imurign 128 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

imbarkin

amarg n‑isiwan

¹ imbarkiyn ad‑gan willi ituqqarn sidi rbbi, ssudun ġ‑uġaras‑ns.

² ra‑tššt lġllt n‑twuri n‑ifassn‑nk, tfrḥt tšbɛt lh̬ir.

³ zund ddilit da‑yakkan lġllt a‑ra‑tg‑tmġart ġ‑ugʷns n‑tgmmi‑nk. zund lh̬lf n‑zzit a‑rad‑lulliyn tarwa i‑lmida‑nk.

⁴ ġmkad a‑ra‑ibark sidi rbbi ġ‑wanna‑t‑ituqqarn.

⁵ a‑gik‑ig sidi rbbi lbaraka‑yad zġ‑tmdint‑ns tamẓlayt, tkšmt s‑lh̬ir n‑urušalim kullu ussan n‑tudrt‑nk,

⁶ yiġzif lɛmr‑nk ard tẓrt tarwa n‑tarwa‑nk. a‑tili sslamt i‑ayt‑israyil.