imurign 127 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

tawafka n‑rbbi

amarg n‑isiwan, win suliman

¹ iġ‑urd sidi rbbi a‑ibnnun tigmmi, bla lfaytt a‑tnhatafn ibnnayn‑ns. iġ‑urd sidi rbbi a‑igabln tamdint, bla lfaytt a‑tawzn ingabaln‑ns.

² bla lfaytt a‑tšttam aġrum n‑tkrrayt, ar‑tnkkrm zikk ṣbaḥ tawzm ġ‑iyḍ, ašku ar‑yakka rbbi i‑iḥbibn‑ns, ar‑asn‑itujad d‑ntni sul gnn.

³ tawafka n‑sidi rbbi a‑stt‑igan d‑warraw, s‑lbaraka‑ns a‑s‑aġ‑tlla lġllt n‑waḥlig.

⁴ iga‑warraw dar yan‑t‑iskrn ġ‑mẓẓiy‑ns zund iẓḍkan ġ‑ufus n‑yan immaġn.

⁵ ambarki a‑iga wanna dar ggutn tarwa. ur‑illi ma‑ra‑t‑inru ġ‑usays n‑uṣraḍ.