imurign 126 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

taḍṣa d‑imṭṭawn

amarg n‑isiwan

¹ lliġ‑d‑issuḍa sidi rbbi imzwagn s‑lmdint‑ns nkkʷni irwas‑aġ zund iġ‑a‑ntwarga.

² ar‑kullu‑nttirir s‑tallġatin n‑lfrḥ, ar‑kullu‑nḍṣṣa s‑lfrḥ iggutn. inin ayt‑tmizar «rbbi iskr‑asn lɛjayb.»

³ mayad a‑f‑nfrḥ ašku lɛjayb ad‑aġ‑iskr.

⁴ sswrri‑aġ‑d a‑sidi rbbi, tfkt lh̬ir i‑tmazirt‑nġ, zund talɛinin n‑waman ġ‑lh̬la irufan.

⁵ ġwilli ffuġnin luḥn‑in amud s‑imṭṭawn, ntni a‑ra‑imgr s‑tallġatin n‑lfrḥ.

⁶ ġwalli iffuġn yasi amud ar‑yalla, nttan a‑ra‑d‑ikšm yasi‑d tadliw s‑tallġatin n‑lfrḥ.