imurign 119 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

tifawt i‑uġaras‑inu

¹ imbarkiyn ad‑gan willi ifttun ġ‑uġaras inmn, ar‑bdda‑skarn s‑ulmmud n‑sidi rbbi.

² imbarkiyn ad‑gan willi‑stt‑itawin ġ‑tuggʷa‑ns, ar‑t‑bdda‑siggiln zġ‑ttmi n‑uwl‑nsn.

³ hatni ur‑a‑tlhun s‑kra yʷh̬šnn, ar‑bdda‑fttun ġ‑iġarasn‑ns.

⁴ tmlit‑aġ iwaliwn‑nk baš a‑bdda‑srsn‑nskar.

⁵ riġ bahra ad‑ḍfurġ aġaras‑nk, zgaġ bdda ġ‑tnbaḍin‑nk.

⁶ ur‑rad‑nḥaššamġ ašku ar‑tti‑tawiġ ġ‑luṣiyat‑nk.

⁷ rad‑lmdġ lḥkamat‑nk alġġ‑k s‑uwl iṣfan.

⁸ a‑ur‑n‑flla‑twrrit ula tflt‑iyi, ašku rad‑zgaġ ġ‑tnbaḍin‑nk.

⁹ mamnk a‑ra‑iṣfu‑uɛyyal ġ‑kullu iġarasn‑ns? abla iġ‑iga awal‑nk d‑ungabal‑ns.

¹⁰ ha nkki ar‑k‑siggilġ zġ‑ttmi n‑uwl‑inu. a‑ur‑iyi‑tadjt ad‑ffuġġ zġ‑luṣiyat‑nk.

¹¹ ḥḍiġ awal‑nk ġ‑uwl‑inu a‑ur‑skrġ kra yʷh̬šnn ġ‑iẓri‑nk.

¹² ar‑ki‑ttalġġ a‑sidi rbbi. zayd tsslmdt‑iyi tinbaḍin‑nk.

¹³ ar‑sawalġ i‑wiyyaḍ f‑lḥkamat lli‑tnnit.

¹⁴ tuggʷa f‑iskkirn‑nk ɛzzant dari uggʷar n‑uwrġ iggutn.

¹⁵ rad‑swingimġ ġ‑ma‑tskart, ar‑tti‑tawiġ ġ‑ma‑ttinit.

¹⁶ tinbaḍin‑nk a‑s‑a‑tfraḥġ, d‑ur‑sar‑ttuġ awal‑nk.

¹⁷ fk‑iyi mad‑ḥtajjaġ a‑sidi, baš ad‑ddrġ skrġ s‑wawal‑nk,

¹⁸ trẓmt alln‑inu ad‑tmnadġ lɛjayb ġ‑ulmmud‑nk.

¹⁹ nkki giġ aġrib ġ‑ddunit. a‑ur‑flla‑tssntlt luṣiyat‑nk.

²⁰ iḍ wala azal inġa‑yyi‑umarg n‑lḥkamat‑nk.

²¹ ašk‑id tẓit ayt‑isfurrugn, th̬zut willi yunfn i‑luṣiyat‑nk.

²² a‑ur‑tn‑tadjt a‑yyi‑ḥgrn rgmn‑iyi, ašku umẓġ bdda ġ‑tuggʷa‑nk.

²³ wah̬h̬a da‑flla‑tmšiwirn iriyasn, hay‑ah̬ddam‑nk ar‑iswingim ġ‑tnbaḍin‑nk.

²⁴ tuggʷa‑nk a‑ġ‑iyi‑tlla tamimt, gnt imšiwirn‑inu.

⁶⁸ kiyi tfulkit ar‑tskart afulki. sslmd‑iyi tinbaḍin‑nk.

⁶⁹ id‑bu‑isfurrugn ar‑iyi‑aqqʷman tikrkas‑nsn, imma nkkin umẓġ ġ‑luṣiyat‑nk zġ‑ttmi n‑uwl‑inu.

⁷⁰ ntni uwlawn‑nsn tdl‑tn‑tduwunt, imma nkki tlla‑yyi‑tamimt ġ‑ulmmud‑nk.

⁷¹ tarfufnt lli‑zzriġ, illa‑yyi‑gis‑ufulki, ašku lmdġ srs tinbaḍin‑nk.

⁷² almmud zġ‑imi‑nk yuf dari afḍan n‑uwrġ ula nnʷqrt.

⁹⁸ luṣiyat‑nk fkant‑iyi taḥkimt uggʷar n‑inuwwašn‑inu, ilint bdda didi.

⁹⁹ fhmġ uggʷar n‑kullu imslmdn‑inu, ašku ar‑bdda‑swingimġ ġ‑tuggʷa‑nk.

¹⁰⁰ tlla‑dari‑twassna uggʷar n‑ifqqirn, ašku ar‑tti‑tawiġ ġ‑tnbaḍin‑nk.

¹⁰¹ ḥṣarġ iḍarn‑inu f‑uġaras yʷh̬šnn, baš ad‑bdda‑zgaġ ġ‑wawal‑nk.

¹⁰⁵ awal‑nk iga lqndil i‑iḍarn‑inu, ig tifawt i‑uġaras‑inu.

¹³⁰ anurẓm n‑iwaliwn‑nk a‑d‑yakkan tifawt, ig tafhimt iggutn i‑ibujadiyn.

¹⁴⁷ ur‑ta‑ifaw‑wass a‑n‑srk‑aqraġ, rjuġ‑n ġ‑wawal‑nk.

¹⁴⁸ tizgag n‑iyḍ sul rẓmnt‑walln‑inu, ar‑swingimġ ġ‑maylli‑s‑tqawlt.

¹⁶⁵ lhna iggutn a‑illan i‑willi dar imim‑ulmmud‑nk, d‑ur‑sard ifikš a‑yutn aḍar‑nsn.

¹⁶⁶ giġ‑n rrja‑nu ġ‑ujnjm‑nk a‑sidi rbbi, d‑luṣiyat‑nk a‑s‑a‑skarġ.

¹⁷⁴ ha‑yyi ẓuẓḍġ ajnjm‑nk a‑sidi rbbi, d‑ulmmud‑nk a‑ġ‑iyi‑tlla tamimt.

¹⁷⁵ adj tudrt‑inu a‑ki‑ttalġ, ula lḥkamat‑nk a‑yyi‑ssdusn.

¹⁷⁶ ha‑yyi allufġ zund ahruy ijlan. siggl s‑uh̬ddam‑nk, ašku ur‑a‑tettuġ luṣiyat‑nk.