imurign 113 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ignwan d‑wakal

¹ ḥmdayt i‑rbbi da‑bdda‑illan. ḥmdayt a‑kullu ih̬ddamn‑ns, ḥmdayt i‑ism n‑wad bdda illan.

² a‑yili lmajd i‑ism n‑rbbi, ġilad ula kullu mayd‑d‑iftan.

³ a‑yili lḥmd i‑ism n‑rbbi, zġ‑usġlay n‑tafukt ar amṭar‑ns.

⁴ yattuy rbbi f‑kullu timizar, lmajd‑ns iɛmmr ignwan.

⁵ ma‑igan zund rbbi siditnġ? yattuy f‑kullu ma‑illan.

⁶ ar‑d‑issmuqqul zġ‑tattuyt, igabl ignwan d‑wakal.

⁷ ar‑ittall amẓluḍ zġ‑ugdrur, ikks‑d ula igllin zġ‑umdduz.

⁸ issgawr‑tn d‑imġarn, ġ‑gr imġarn n‑mddn n‑rbbi.

⁹ tamġart lli‑ur‑iṭṭafn tarwa, ar‑as‑yakka takat tasaɛdit, ard ttaru tfrḥ d‑tarwa‑ns. ḥmdayt i‑rbbi da‑bdda‑illan.