imurign 111 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

iga wad itḥnnun ar‑itrḥam

¹ a‑yili lḥmd i‑rbbi da‑bdda‑illan. rad‑alġġ sidi rbbi zġ‑ttmi n‑uwl‑inu ġ‑umnaggar ula tamunt n‑willi nmnin.

² mnšk ad‑mqqurn iskkirn n‑sidi rbbi. willi srsn ifraḥn ar‑gisn‑swingimn.

³ iban lmajd‑ns d‑lhibt‑ns ġ‑kullu ma‑iskar, d‑ur‑sar‑rad‑tmmun ifulkitn‑ns,

⁴ ar‑aġ‑d‑isskttay s‑lɛjayb‑ns. sidi rbbi iga wad itḥnnun ar‑itrḥam.

⁵ ar‑yakka tirmt i‑willi‑t‑ituqqarn, d‑ur‑sar‑ra‑ittu lɛhd n‑gratnġ dids.

⁶ imla i‑mddn‑ns lquwwa n‑iskkirn‑ns, lliġ‑asn‑ifka ikalln n‑iqbiln yaḍni.

⁷ lḥqq ula laman a‑s‑a‑iskar, izga bdda ġ‑tnbaḍin‑ns.

⁸ rad‑qamant kullu mayd iftan, afunt s‑lḥqq ula lmɛqul.

⁹ imdi‑d afus‑ns a‑d‑ifukku mddn‑ns, izzga didsn lɛhd idumn, ism‑ns a‑yattuyn ar‑issiwid.

¹⁰ tiksaḍ n‑walli bdda illan ar‑tawint s‑tḥkimt, d‑wanna‑t‑ituqqarn a‑rad‑dar‑tigat‑tfhimt. ad‑as‑yili lḥmd kullu mayd iftan.