imurign 101 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

rad‑asiġ amarg

amarg n‑dawd

¹ rad‑asiġ amarg n‑lḥqq ula tayri izgan. kiyi a‑sidi rbbi a‑mi‑rad‑ttirirġ.

² ra‑ttiduġ nkki ġ‑uġaras inmn. managu a‑rbbi a‑ra‑d‑dari‑taškt? rad‑skarġ nkki d‑ayt‑tgmmi‑nu s‑uwl iṣfan.

³ ur‑rad‑adjġ alln‑inu a‑tmnadnt kra issrkawn. ur‑rad‑gawrġ d‑willi ittun rbbi ula rad‑kšmġ ġ‑iskkirn‑nsn.

⁴ ur‑rad‑sskarksġ ula rad‑d‑mšaškaġ d‑willi ʷh̬šnnin.

⁵ rad‑ssfsaġ nkki wanna irggmn ġ‑wadjar‑ns. ur‑rad‑ṣbrġ i‑yan issfurrugn iḥgr wiyyaḍ.

⁶ rad‑frḥġ nkki s‑willi ituqqarn rbbi. rad‑iriġ nkki ġwilli yumẓn aġaras inmn. rad‑ilin ntni ġ‑tgmmi‑nu ar‑dari‑tqasan.

⁷ ur‑rad‑adjġ id‑bu‑tkrkas ad‑didi‑zdġn. ur‑rad‑adjġ ayt‑sin‑uwdmawn ad‑dari‑qaman.

⁸ rad‑ssfsaġ ayt‑lɛar ġ‑tgldit‑inu kraygatt ass. rad‑ssufuġġ ġwilli ʷh̬šnnin zġ‑tmdint n‑sidi rbbi.