imrwasn 31 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

tamġart ullt‑tḥkimt

¹⁰ tamġart iḥaršn, ma‑stt‑yufan? tuf nttat ljuhr iġʷlan.

¹¹ argaz‑ns ar‑gis‑istaman bahra, d‑ur‑sar‑iḥtajja yat.

¹² nttat ar‑as‑tskar afulki kullu ussan n‑tudrt‑ns, d‑ur‑a‑ys‑tskar ma‑ihršn.

¹³ ar‑tsiggil taḍut d‑lkttan, ar‑ttfraḥ s‑twuri n‑ifassn‑ns.

¹⁴ ar‑di‑ttawi lmunt‑ns zġ‑tuggugt zund anawn n‑isbbabn.

¹⁵ ar‑di‑tnkkr ur‑ta‑d‑ifaw‑wass, ar‑tjjujad tirmt i‑ayt‑tgmmi, ar‑taṭṭu i‑th̬ddamin‑ns.

¹⁶ tsqsa ġ‑kra n‑igr tsġ‑t, tẓẓu gis aḍil s‑ma‑di‑trur s‑ifassn‑ns.

¹⁷ ar‑ttass taggʷst‑ns i‑lh̬dmt, tšmmr iġalln‑ns i‑twuri.

¹⁸ tssn mamnk a‑ttrbaḥ lh̬ir, d‑ur‑a‑tssnsa lqndil‑ns d‑iyḍ.

¹⁹ ar‑tllm s‑tsnayt ġ‑ufus‑ns ula tiẓḍit ġ‑gr iḍuḍan‑ns.

²⁰ ar‑trẓẓm tidikal‑ns i‑imẓlaḍ, tmdi‑n ifassn‑ns i‑winna llanin ġ‑tnukmut.

²¹ ur‑a‑ttiksaḍ s‑ayt‑tgmmi‑ns iġ‑a‑iṭar‑udfl, ašku tsslssa kullu mddn‑ns s‑taḍut.

²² ar‑tskar ifuwwa i‑tisi‑ns, ig malssa‑ns lkttan išwan d‑ttub azggʷaġ.

²³ ityawssan‑urgaz‑ns ġ‑usays n‑tmdint, ar‑iskiwis ġ‑gr imġarn n‑tmazirt.

²⁴ ar‑ttɛdal timlsa n‑lkttan ar‑tnti‑tzznza, ar‑ttɛdal ula tigʷas kʷlanin ar‑tnti‑ttazn i‑isbbabn.

²⁵ ar‑tsslssa ih̬f‑ns s‑lḥqq ula lmɛqul, tfrḥ s‑aynna‑d‑iwin‑uwssan.

²⁶ taḥkimt a‑s‑a‑bdda‑tsawal, ar‑tsslmad f‑lḥnant izgan.

²⁷ ar‑tti‑ttawi ġ‑twuriwin n‑tgmmi‑ns. ur‑a‑tštta aġrum nna‑ur‑di‑trur s‑tġruṭṭ‑ns.

²⁸ ar‑nkkrn tarwa‑ns ar‑as‑ttinin ‹tambarkit›, inkr‑ula‑urgaz‑ns ar‑tt‑ittalġ yini:

²⁹ «ggutnt‑tmġarin lli‑itsalan afulki, imma kmmi tuf‑tnt kullutnt.»

³⁰ han afulki n‑ṭiṭṭ iga amġḍar, ula zzin da‑izray, imma tamġart ituqqarn sidi rbbi, tsthlla a‑stt‑nttalġ.

³¹ akka‑yas f‑lġllt n‑ifassn‑ns. ar‑tti‑ttalġn iskkirn‑ns ġ‑usays n‑tmdint.