imrwasn 29 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ yan imyurn a‑issiqar ih̬f‑ns f‑walli‑t‑issnamn, hati ra‑irẓ ġ‑yat tasaɛt, d‑ur‑sar‑ijji.

¹¹ anafal ar‑itffi iriyn‑ns, imma bu‑tḥkimt ar‑tn‑in‑itḥṣar ġ‑ugʷns‑ns.

¹⁵ akuray d‑wawal išqan a‑s‑a‑itlmad‑warraw taḥkimt, imma aḥšmi iskarn aynna ira ra‑issnḥaššam innas.

¹⁷ ssnm yuk s‑ra‑k‑isshnnu ar‑bdda‑issfraḥ ul‑nk.

¹⁸ innaġ ur‑illi yan iẓrran ma‑d‑ikkan dar rbbi, rad‑kullu‑jlun mddn, imma yan iskarn s‑ulmmud‑ns rad‑as‑tili lbaraka.

²⁰ iġ‑tẓrit yan da‑izrab a‑isawl, ra‑yʷġẓan‑unafal uggʷar‑ns.

²³ wanna issimġurn ih̬f‑ns, rad‑as‑di‑tggru‑tdallit, imma yan iẓẓimẓayn ih̬f‑ns ra‑yamẓ rrḍa.

²⁵ wanna itiksaḍn zġ‑bnadm, han imdi taẓqqurt i‑ih̬f‑ns, imma yan ittkln f‑sidi rbbi rad‑bdda‑yili ġ‑laman.