imrwasn 19 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

sflid i‑ššwar tawit‑stt ġ‑tnbaṭṭ

¹¹ yan iṭṭafn lɛaql, hatin ur‑a‑itqlaqal ḥina, ar‑gis‑itban‑ufulki ġakud nna‑iḍurḍr i‑ddṣart.

¹⁸ ssnm yuk maḥdd gis rrja. ad‑ur‑tadjt ul‑nk a‑dids‑irh̬u a‑ur‑imil izayd itthlk.

²⁰ sflid i‑ššwar, tawit‑stt ġ‑tnbaṭṭ, f‑a‑twrrit tigira teṭṭaft taḥkimt.

²¹ iggut ma‑iqṣad bnadm ġ‑uwl‑ns, walaynni maylli inuwwa sidi rbbi, nttan a‑ra‑yili.

²² tayri izgan a‑tra luqt ġ‑bnadm, d‑umẓluḍ yuf bu‑tkrkas.

²³ yan yuqqrn sidi rbbi ra‑išbɛ tudrt, ar‑inssa ġ‑laman, d‑ur‑ra‑t‑ilkm lada.

²⁴ amɛgaz ar‑n‑issgla afus‑ns ġ‑tmkilt, ur‑iẓḍar a‑t‑id‑yall s‑imi‑ns.