imrwasn 15 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ ljawab ihnnan a‑issinifn iriyn, imma awal iqjrn ar‑tn‑d‑issnkar.

² ils n‑bu‑tḥkimt ar‑ittalġ tawassna, imma imawn n‑inafaln ngin bdda s‑unufl.

³ alln n‑sidi rbbi ar‑tmnadnt kraygatt mani, ḍufnt mddn ʷh̬šnnin ula willi fulkinin.

⁴ ils ijjujin iga zund taṣġart n‑tudrt, imma ils itknadn ar‑issyagas rruḥ n‑bnadm.

⁵ anafal ar‑itḥgar tanbaṭṭ n‑babas, imma wanna isflidn i‑walli‑t‑itẓin, nttan ad‑dar lɛaql.

⁸ tiġrṣiw jdrnin f‑ufus n‑mddn ʷh̬šnnin, ar‑tnt‑itkrhu sidi rbbi, imma taẓallit f‑imi n‑yan iṣlaḥn ar‑srs‑itrḍu.

¹⁶ yuf imikk s‑tksaḍ n‑sidi rbbi, wala ayda iggutn d‑išabukn dids.

¹⁷ tirmt n‑tuga ġ‑tamunt n‑tayri tuf igiz iḍnin ġ‑tamunt n‑tnuwwašt.

²² yan iqṣadn taġawsa bla da‑itmšiwir, ra‑ti‑tigʷraẓ, imma yan iskrn imšawarn ggutnin ra‑injḥ.

²³ yan ijawbn s‑lmɛqul, illa dars ma‑s‑a‑itfraḥ. awal ġ‑tizi‑ns, mnšk a‑s‑ifulki.