imrwasn 12 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

aġaras n‑ufulki d‑win lh̬ʷšant

¹⁴ bnadm ar‑iššbaɛ ul‑ns s‑lġllt n‑imi‑ns, ġmklli‑d‑itrara lmɛišt‑ns s‑twuri n‑ifassn‑ns.

¹⁵ anafal iġal is‑kullu‑ġʷẓann iskkirn‑ns, imma aḥkim ar‑isflid i‑ššwar n‑wiyyaḍ.

¹⁶ anafal ḥina‑s‑gis‑ibayyn‑uqlaql‑ns, imma bu‑lɛaql ar‑iskar zund iġ‑ur‑isfld i‑trggam.

¹⁷ inigi ifulkin ar‑izzga lḥqq, imma inigi yʷh̬šnn ar‑izzga ibaḍan.

¹⁸ illa ma‑issyagasn s‑iwaliwn qjrnin zund tuzzalt, imma ils n‑bu‑tḥkimt ar‑ijjuji aggasn.

¹⁹ wanna isawaln s‑tkrkas, ġir imikk s‑ra‑t‑laḥ, imma yan isawaln s‑lḥqq rad‑bdda‑iqama.

²⁰ takndawt a‑iɛmmrn ul n‑winna skarnin f‑ššrr, imma willi skarnin f‑sslamt, lfrḥ ad‑asn‑illan.

²¹ yan iṣlaḥn ur‑ra‑t‑ilkm kra n‑lada, imma willi ʷh̬šnnin ar‑bdda‑fllasn‑itšqu lḥal.

²² sidi rbbi ar‑itḥgar infurn sskirkisnin, ar‑itfraḥ s‑winna dar awal n‑lḥqq.

²³ bu‑lɛaql ar‑issntal tawassna‑ns, imma inafaln myurn a‑tbrraḥn s‑unufl‑nsn.

²⁴ afus nna‑ith̬damn s‑lmɛqul a‑ra‑iḥkam, imma wad itɛgazn rad‑as‑d‑iggru‑unhataf n‑twizi.

²⁵ taġuft n‑uwl a‑iẓẓuẓayn bnadm, imma awal iḥnnan da‑t‑issifsis.

²⁶ yan iṣlaḥn ra‑imala aġaras ifulkin i‑usmun‑ns, imma aġaras n‑ayt‑lh̬ʷšant, han ra‑tn‑kullu‑ijllu.

²⁷ urd amɛgaz a‑ra‑yamẓ tagʷmrt, imma yan ith̬damn s‑lmɛqul ra‑iṭṭaf timih̬ar.

²⁸ aġaras n‑rbbi ar‑d‑itawi s‑tudrt, yan dids imunn ur‑ra‑ilkm lmut.