imrwasn 11 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

yan inmn ula yan iɛwwjn

¹ lmizan itġʷššun, ikurha‑t sidi rbbi. imma ṣṣruf kmmlnin, ifrḥ srsn.

² wanna issimġurn ih̬f‑ns, han tadallit a‑rad‑as‑iggru, imma wanna iẓẓimẓayn ih̬f‑ns, taḥkimt a‑rad‑as‑yili.

³ yan inmn, tinmn‑ns a‑ys‑imalan ma‑ra‑iskar. imma yan iɛwwjn, ra‑t‑in‑tlddi‑tkndawt‑ns i‑lhalak.

¹² yan itḥgarn adjar‑ns ur‑iṭṭaf lɛaql, imma bu‑tfhimt ġir ifssa.

¹³ bu‑iwunnan ar‑izzuduf aynna intln, imma yan mi tzga rruḥ‑ns ra‑yadj tiġawsiwin ġmklli dlnt.

¹⁴ aqbil nna‑ur‑dar ma‑ys‑imalan ma‑iskar, hati ra‑iḍr, imma aqbil nna‑dar tugtt n‑imšiwirn, nttan a‑ra‑injm.

¹⁵ wanna iḍmnn aġrib ra‑gis‑yaḥl, imma wanna issrwaln afus‑ns zġ‑ḍḍmant ra‑ithnnu.