imrwasn 1 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

tafhimt ula tawassna

¹ imrwasn n‑suliman yus n‑dawd, agllid n‑israyil.

² taḥkimt ula tanbaṭṭ a‑ra‑yili i‑wanna‑ysn‑isflidn. lmɛni ntlnin a‑ra‑srsn‑ifhm,

³ ilmd srsn a‑stt‑itawi ġ‑ma‑igan lḥqq d‑ṣṣaḥt d‑lmɛqul.

⁴ rad‑ssmsadn lɛaql i‑wanna igan abujadi, ar‑ssmalan ma‑illan ula ma‑iṣlaḥn i‑wanna igan afruh̬.

⁵ iġ‑a‑ysn‑isflid bu‑tḥkimt ra‑itzayad ġ‑ulmmud‑ns. iġ‑a‑ysn‑isflid bu‑tfhimt ra‑yissan iġarasn šwanin.

⁶ ġmkad a‑s‑rad‑wrrin mddn ar‑tissann lmɛni d‑imrwasn, ar‑tfhamn tiḥajiyin d‑isqsitn lli‑llanin ġ‑dar id‑bu‑tḥkimt.

⁷ tiksaḍ n‑sidi rbbi a‑itawin s‑twassna. wanna itḥgarn taḥkimt ula tanbaṭṭ, anafal a‑iga.