hušaɛ 4 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

aṣraḍ n‑sidi rbbi i‑ayt‑israyil

¹ sfldayt i‑wawal n‑sidi rbbi ay‑ayt‑israyil. ašku iṣrḍ‑awn sidi rbbi s‑uṣraḍ išqan a‑imzdġn n‑tmazirt‑ad. han ur‑illi ma‑iskarn s‑tayri idumn ula lḥnant izgan ġ‑tmazirt‑ad. ur‑illi ma‑iran a‑yissan rbbi.

² ar‑trggmm ar‑tsskirkism ar‑tnqqam ar‑ttakʷrm ar‑ttfsadm, ar‑tssurufm kraygatt awttu, ar‑ttffim idammn f‑idammn.

³ ġayan a‑f‑iwrri iqqur‑wakal, yili lhif f‑imzdġn‑ns, ar‑tmmtatn ula luḥuš n‑taganin d‑igḍaḍ n‑ignwan d‑islman n‑tmdwin.