ḥabaqquq 2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ ha‑yyi rad‑biddġ f‑ugadir, ḍufġ ġ‑iggi n‑lbrj, ar‑tmnadġ ad‑issanġ ma‑ra‑yyi‑d‑yini sidi rbbi, ula ma‑s‑rad‑rarġ awal f‑tkrrayt‑inu.

nttan a‑f‑rad‑rḍuġ, fkġ‑as tudrt

² isawl‑iyi‑d yini: «ara tawaẓrit ġ‑tilwaḥ a‑tbayyn, afad a‑yazzl kullu wanna‑stt‑iġran.

³ ašku han ra‑tafu‑twaẓrit ġ‑tizi‑ns, ra‑di‑tḥarru d‑ur‑ra‑tsskarks. iġ‑ur‑ta‑di‑tlkim, ql srs. ašku iqqan‑d a‑di‑tašk, ur‑ra‑n‑tmaṭl

⁴ ẓrat, han ġwalli ittalġn ih̬f‑ns ra‑iknuki. imma wanna yumnn, nttan a‑f‑rad‑rḍuġ, fkġ‑as tudrt.

⁵ han aknnad ar‑issnuful ih̬f‑ns, ar‑issfurrug d‑ur‑sar‑ihnna. hatin ar‑irẓẓm imi‑ns zund amḍḍal, ig zund agʷḍi n‑lmut lli‑ur‑itšbaɛn bnadm. ar‑iṣrat kullu iqbiln, yiri a‑iṭṭaf kullu timizar n‑ddunit.»

tawassna n‑lmajd n‑rbbi

⁶ is‑ur‑rad‑kullu‑srs‑nkrn s‑tḥajiyin ula ṭṭnẓ, ar‑fllas‑ttinin: «taguḍi a‑ra‑yili i‑ġwan issmunun ma‑ur‑igin wins. mnšk a‑ra‑iqama ar‑issigat ayda s‑ifaddn?»

⁷ han ra‑srk‑nkrn willi tšttat ġ‑yat tasaɛt lli‑ur‑tġalt, faqn‑ak nkrn a‑k‑ssiwdn, skrn zġ‑gik tagʷmrt‑nsn.

⁸ kiyi‑an iššan iqbiln ggutnin, ra‑k‑ššn willi iqaman zġ‑ayt‑tmizar‑an, rarn‑ak f‑idammn n‑bnadm ula lhalak lli‑tutt f‑ikalln ula timdinin ula kullu imzdġn‑nsnt.

⁹ taguḍi a‑ra‑yili i‑wad issrbaḥn tigmmi‑ns s‑lh̬ʷšant, iskr‑n agʷdf‑ns ġ‑tattuyt a‑ur‑t‑ilkm lada.

¹⁰ lliġ th̬ʷlit ayt‑tmizar ggutnin, han tskrt ma‑issḥššamn tagldit‑nk, thlkt ula tudrt‑nk.

¹¹ ar‑srk‑issġuyyu‑uẓru n‑uġʷrab, iɛawd‑usatur n‑ukššuḍ i‑wawal‑ns.

¹² taguḍi i‑ġwad ibnan tamdint s‑idammn, izzga llsas‑ns f‑ḍḍulm.

¹³ ẓrat, is‑urd sidi rbbi n‑lmlayka a‑irurn tawuri n‑iqbiln ad‑kullu‑ttyawjdar, nhatafn ayt‑tmizar n‑ddunit bla lfaytt.

¹⁴ ašku ġmklli dln‑waman imdwan, a‑ra‑ttɛmmar ddunit s‑twassna n‑lmajd n‑rbbi da‑illan.