ɛazra 8 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

³¹ ass wis sin d‑mraw (12) ġ‑wayyur amzwaru a‑d‑nffuġ zġ‑dar‑wasif n‑ahawa nmuddu s‑urušalim. yili‑didnġ‑ufus n‑sidi rbbi, ijjnjm‑aġ zġ‑ifassn n‑inuwwašn d‑iqṭṭaɛn n‑uġaras,

³² aylliġ‑d‑nruḥ urušalim, nsunfu gis kraḍ‑uwssan.

³³ wis kkuẓ‑uwssan nkšm s‑tgmmi n‑rbbi‑nġ, nɛbbr nnʷqrt d‑uwrġ d‑irukutn, nfk‑tn ġ‑ufus n‑marimut lli‑igan yus n‑umsakmur uriyah. yili dids aliɛazr yus n‑finḥas, ntta d‑ayt‑lawi yuzabad yus n‑yahušaɛ d‑nuɛadyah yus n‑binnwi.

³⁴ nɛbbr kraygatt kra, nḥasb mnšk a‑illan, nara‑t ġakudan ġ‑yan‑warra.

³⁵ munn‑d ilmma tarwa n‑imsukfn lli‑d‑iwrrin zġ‑uskrf [n‑babil], ssakmurn‑in tiwafkiw jdrnin i‑rbbi n‑israyil, skrn sin d‑mraw (12) n‑umugay f‑kullu ayt‑israyil, d‑ṭẓa n‑id‑mraw d‑sḍis (96) n‑izimmr, d‑ssa n‑id‑mraw d‑ssa (77) n‑ulqqaġ. fkn ula sin d‑mraw (12) n‑ubukir ad‑gn ‹asakmur f‑tjli›. kullu mayan iga asakmur ijdrn i‑sidi rbbi.

³⁶ sslkmn lamr n‑ugllid i‑iriyasn‑ns d‑inmġurn‑ns lli‑iḥkamn f‑tmazirt lli‑illan ġ‑tsga yaḍni n‑wasif, wrrin ula ntni ar‑tɛawann mddn ġ‑twuri n‑tgmmi n‑rbbi.