ɛazra 5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

lanbiya ḥaggay d‑zakaryah

¹ tizi‑an a‑isawal nnabi ḥaggay d‑nnabi zakaryah yus n‑ɛiddu s‑wawal n‑sidi rbbi i‑uwdayn lli‑illan ġ‑tmazirt n‑yahuda d‑tmdint n‑urušalim. ar‑srsn‑sawaln s‑ism n‑rbbi n‑israyil lli‑fllasn‑illan.

² inkr ilmma zarubbabil yus n‑šyaltyal d‑yahušaɛ yus n‑yuṣadaq, grn daġ ar‑bnnun tigmmi n‑rbbi ġ‑urušalim, munn didsn lanbiya n‑rbbi ar‑tn‑zzɛamn.

³ yašk‑id srsn tattnay lḥakm n‑tsga yaḍni n‑wasif, ntta d‑šatar‑buznay d‑usmun‑ns, sqsan‑tn: «ma‑yawn‑innan a‑tbnnum tigmmi‑ad, tkmmlm tissgʷar‑ad?»

⁴ sqsan‑tn daġ: «mad‑gan ismawn n‑irgazn lli‑ibnnun tigmmi‑ad?»

⁵ imma imġarn n‑uwdayn, tgabl‑tn ṭiṭṭ n‑rbbi‑nsn. ur‑ẓḍarn mddn‑an ad‑ssbiddn tawuri ard aznn lah̬bar i‑ugllid daryus, yašk‑id lamr ityaran zġ‑dar‑ugllid.