ɛazra 2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

wrrin‑d imsukfn s‑wakal n‑yahuda

¹ ġmkad ad‑gan ayt‑tmazirt‑nġ lli‑d‑yiwnn zġ‑gr willi issukf nabuh̬adnaṣr agllid n‑babil yawi‑tn s‑tmazirt n‑babil. wrrin‑d ntni s‑urušalim ula s‑wakal n‑yahuda, kraygatt yan s‑tmdint‑ns.

² munn‑d kullu d‑zarubbabil d‑yahušaɛ d‑naḥamyah d‑sarayah d‑raɛlayah d‑murdah̬ay d‑bilšan d‑misfar d‑bigway d‑raḥum d‑baɛna.

⁶⁴ ġunškad a‑tga kullu tamunt n‑mddn‑an, kkuẓ id‑mraw d‑sin n‑walf, d‑kraḍ id‑miyya d‑sḍis id‑mraw (42 360).

⁶⁵ ilin ula ih̬ddamn d‑th̬ddamin s‑ssa n‑id‑walf d‑kraḍ id miyya d‑kraḍ id‑mraw d‑ssa (7337), ilin ula inḍḍamn d‑tnḍḍamin s‑sin id‑miyya (200).

⁶⁶ iysan‑nsn gan ssa n‑id‑miyya d‑kraḍ id‑mraw d‑sḍis (736). isrdan‑nsn gan sin id‑miyya d‑kkuẓ id‑mraw d‑smmus (245).

⁶⁷ irɛman‑nsn gan kkuẓ id‑miyya d‑kraḍ id‑mraw d‑smmus (435). iġʷyal‑nsn gan sḍis id‑walf d‑ssa n‑id‑miyya d‑sin id‑mraw (6720).

⁶⁸ lliġ lkmn illiġ‑ttin‑tkka tlla‑tgmmi n‑sidi rbbi ġ‑urušalim, yašk‑id kra ġ‑ih̬fawn n‑tagʷmatin, awin‑d tiwafkiw zġ‑darsn baš ad‑daġ‑ttbnu‑tgmmi n‑rbbi ġ‑udġar‑ns.

⁶⁹ ifk kud yan unšk lli‑mi‑iẓḍar i‑lh̬zin n‑twuri‑an, aylliġ ilkm ma‑itggan smmus id‑miyya (500) n‑kilu n‑uwrġ, d‑sin id‑walf d‑tam id‑miyya (2800) n‑kilu n‑nnʷqrt, d‑miyya n‑tmlsit n‑imsakmurn.

⁷⁰ wrrin zdġn imsakmurn d‑ayt‑lawi d‑kra ġ‑mddn ġ‑urušalim d‑iduran‑ns. zdġn inḍḍamn d‑waḍafn n‑imawn d‑ih̬ddamn n‑tgmmi n‑rbbi ġ‑tmdinin‑nsn. wrrin zdġn kullu ayt‑israyil ġ‑tmdinin n‑imzwura‑nsn.