ayyub 9 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

isawl‑d ayyub

¹ ijawb ayyub ġakudan yini:

² «mayn tnnit, ssnġ izd ṣṣaḥt a‑iga. walaynni mamnk a‑iẓḍar bnadm a‑ig wad iṣlaḥn dar rbbi?

³ mra is‑ira yan a‑itmjaḥad d‑rbbi, ur‑ra‑yaf yan‑wawal ma‑s‑a‑ys‑itjawab f‑walf n‑usqsi.

⁴ han iga aḥkim ġ‑iswingimn‑ns, itjhhd ġ‑iskkirn‑ns. is‑illa ma‑t‑iḍaḍḍan inru‑t?

⁵ «ar‑itkkis idrarn ġ‑tizi ur‑ġaln, d‑ssh̬ṭ‑ns a‑s‑a‑tn‑issknuki.

⁶ ar‑issmussu ddunit zġ‑illiġ tlla, ar‑trgigiynt tannalin n‑llsas‑ns.

⁷ yamr tafukt s‑ur‑di‑tsfaw, irgl f‑itran s‑ur‑d‑bann.

⁸ nttan waḥdut a‑ifsrn ignwan, ar‑itaḍḍr taḍangiwin n‑umda.

⁹ iskr imanarn mqqurnin n‑iyḍ, isrs itran ġ‑iḥuna n‑ljanub.

¹⁰ tiġawsiwin mqqurnin a‑itsala, ur‑illi ma‑tnt‑ifhmn. ar‑iskar lɛjayb, ur‑iẓḍar yan a‑tnt‑iḥasb.

¹¹ hati izri zġ‑tama‑nu, ur‑t‑ẓriġ. ar‑n‑itkka dari, ur‑a‑srs‑ssḥssaġ.

¹² iġ‑ra‑ikks kra, ma‑ra‑t‑iḥṣar? ma‑iẓḍarn ad‑as‑yini ‹mayd tskrt?› »