ayyub 8 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

awal n‑bildad

¹ isawl‑d bildad gu‑šuḥ ġakudan yini:

² «mnšk a‑rad‑sul‑ttinit wan iwaliwn‑an? ġaylli‑d‑ikkan imi‑nk iga zund aḍu itjhhdn.

³ is‑iga rbbi wad issmuttuln lḥqq? izd walli iẓḍarn i‑kulši a‑issmiyyaln ma‑yʷġẓann?

⁴ iban ġ‑tarwa‑nk, is‑jlan i‑rbbi, iluḥ‑tn‑in ġakudan f‑tjli‑nsn.

⁵ imma kiyi, iġ‑a‑tsiggilt rbbi, tḍalbt walli iẓḍarn i‑kulši a‑k‑id‑irḥm,

⁶ iġ‑iṣfa‑uwl‑nk tzgat ġ‑uġaras inmn, s‑ṣṣaḥt ra‑inkr nttan a‑k‑iɛawn, irar‑ak‑d lḥqq‑nk.

⁷ rad‑ak‑yigat lh̬ir ġ‑isiggʷra uggʷar n‑mad‑dark‑illan ġ‑isizwur.»

²⁰ [izayd bildad yini:] «s‑ṣṣaḥt ur‑igi rbbi wad ith̬zun yan ikmmln, ula iga wad itɛawann willi ʷh̬šnnin.

²¹ rad‑daġ‑iɛmmr imi‑nk s‑taḍṣa, irar infurn‑nk a‑ttirirn s‑lfrḥ.

²² imma willi‑k‑rgmnin, rad‑kullu‑nḥaššamn. willi ʷh̬šnnin, rad‑asn‑laḥ ah̬iyyam.»