ayyub 6 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

isawl‑d ayyub

²⁴ [ijawb ayyub yini:] «sslmadat‑iyi s‑fssaġ nkki, tssfhmm‑iyi mamnk a‑s‑jliġ.

²⁵ ssnġ is‑šqan iwaliwn n‑ṣṣaḥt, imma kunni ar‑ttakʷim f‑ma‑ih̬wan.

²⁶ is‑tram a‑tṣlaḥm yan iqnḍn, d‑iwaliwn‑inu gan zund aḍu iġ‑izri?

²⁷ iban fllawn is‑ur‑ra‑ttḥšamm a‑di‑tgarm takššuṭṭ f‑igigiln, ar‑ttmtawam a‑tzznzm asmun‑nun.

²⁸ mnadat ġilad ġ‑uwdm‑inu, tẓrm is‑a‑fllawn‑sskirkisġ.

²⁹ ġir bddlat iswingimn‑nun a‑ur‑flla‑tluḥm lbaḍl. bddlat ġilad, tẓrm is‑dari lḥqq.

³⁰ is‑urd ṣṣaḥt a‑ttiniġ? is‑ur‑iẓḍar ils‑inu a‑yaṭṭu s‑umḍḍay ma‑yʷh̬šnn zġ‑ma‑išwan?»