ayyub 40 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ izayd sidi rbbi yini i‑ayyub:

² «yan itaštkkan, is‑dars ma‑s‑a‑iṣṣlaḥ walli iẓḍarn i‑kulši? adj walli itẓin d‑rbbi a‑ijawb.»

³ isawl‑d ayyub ġakudan yini i‑sidi rbbi:

⁴ «ha nkki ur‑giġ yat. ma‑rad‑ak‑iniġ? ġilad rad‑srsġ afus‑inu f‑imi.

⁵ yat‑twal ayd sawlġ, ur‑sul‑rad‑jawbġ. snat‑twal, ur‑sul‑rad‑as‑zaydġ yat.»

⁶ isawl‑d daġ sidi rbbi s‑ayyub zġ‑tmziwit yini‑as:

⁷ «bkis tgt argaz f‑a‑k‑sqsaġ tsslmdt‑iyi.

⁸ is‑tnnit ‹rbbi a‑iffuġn aġaras›? is‑trit a‑flla‑tḥkamt baš a‑tmlt is‑tʷġẓant?

⁹ is‑dark taġruṭṭ itjhhdn zund tin rbbi? is‑dark awal n‑iggig zund nkki?»