ayyub 37 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹⁴ [izayd alihu yini:] «wa ayyub, sfld i‑wawal‑ad. fssa ġilad ar‑tswingimt ġ‑lɛjayb lli‑iskr rbbi.

¹⁵ is‑tssnt mamnk a‑itḥkam rbbi ġ‑imdla, yamr usmann a‑zġ‑gisn‑kkatn?

¹⁶ is‑tɛlmt mamnk a‑issrggig timdliwin ġ‑tattuyt? is‑tfhmt lɛjayb n‑walli issnn kraygatt kra?

¹⁷ kiyi lli‑f‑a‑tḥrrunt‑tmlsa ġakud nna‑d‑ikka‑waḍu irġan f‑wakal,

¹⁸ is‑tẓḍart a‑tdlt ignwan ġmklli iskar rbbi ard rwasn lmri n‑wanas?

¹⁹ sslmd‑aġ mamnk a‑nsawal s‑rbbi. ur‑darnġ awal ingaddan, ašku tillas a‑ġ‑nlla.

²⁰ ur‑zɛmġ nkki ad‑sawlġ s‑rbbi, a‑ur‑imil iniġ kra ifnu‑yyi.

²¹ «han tafukt, ur‑iẓḍar yan a‑n‑gis‑itmnad, iġ‑tsfaw ġ‑ignwan tigira n‑ma‑tn‑isfiḍ‑waḍu.

²² bann‑in isklulan‑ns iwrrġn ġ‑ššamal, yašk‑id rbbi s‑lmajd‑ns issiwidn.

²³ ha walli iẓḍarn i‑kulši, yattuy‑n f‑bnadm, ttjhhd‑tmuġra‑ns. ig wad bahra iṣfan d‑ur‑sar‑issmuttl lḥqq.

²⁴ mayan a‑f‑a‑zġ‑gis‑tiksaḍn mddn. ula willi ġalnin is‑gan ayt‑tḥkimt, han ur‑dars‑gin yat.»