ayyub 32 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

ibzg alihu f‑imddukkʷal‑ns

¹ fssan ġakudan irgazn‑an s‑kraḍ, ur‑sul‑jawbn i‑ayyub, ašku iga wad iṣlaḥn ġ‑dar ih̬f‑ns.

² walaynni nkrn‑d iriyn ġ‑alihu yus n‑barah̬il lli‑igan zġ‑ayt‑buz zġ‑tagʷmat n‑ram. ibzg bahra f‑ayyub ašku ira a‑izzga lḥqq‑ns, urd win rbbi.

³ ibzg ula f‑kraḍ n‑imddukkʷal n‑ayyub, ašku ur‑ẓḍarn ad‑jawbn i‑iwaliwn n‑ayyub wah̬h̬a da‑ttinin is‑ijla.

⁴ ikka‑ttin alihu ifssa maḥdd da‑sawaln ntni d‑ayyub, ašku ugʷrn‑t ġ‑lɛmr.

⁵ walaynni lliġ iẓra kraḍ irgazn‑an ur‑darsn ma‑s‑a‑ys‑traran, nkrn‑d gis iriyn bahra.

⁶ isawl‑d alihu yus n‑barah̬il gu‑buz yini: «ha nkki sul mẓẓiġ, imma kunni tkkam isggʷasn ggutnin. mayan a‑f‑ḥšmġ, ur‑ẓḍarġ ad‑awn‑mlġ mad‑swingimġ.

⁷ iniġ d‑ih̬f‑inu: ‹adj ussan ad‑sawaln, d‑isggʷasn ggutnin ad‑sslmadn taḥkimt.›

⁸ walaynni bnadm ar‑itfham s‑rruḥ lli‑gis‑illan, ig‑tt‑unfus n‑walli iẓḍarn i‑kulši.

⁹ urd ġir willi izrin isggʷasn ggutnin a‑iṭṭafn taḥkimt, d‑urd willi yuwssrn a‑issnn ma‑yʷġẓann.

¹⁰ mayan a‑f‑awn‑nniġ ġilad: ‹sfldayt‑iyi, mlġ‑awn ula nkki iswingimn‑inu.› »