ayyub 27 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

isawl‑d ayyub f‑ih̬f‑ns

¹ isawl‑d daġ ayyub yini:

² «ggulliġ s‑tudrt n‑rbbi itjhhdn lli‑yyi‑ikksn lḥqq‑inu issyagas tasa‑nu,

³ maḥdd sul gigi tqama rruḥ, ula tunfust n‑rbbi ġ‑tnh̬ar‑inu,

⁴ ur‑tkkant‑tkrkas infurn‑inu wala immussa ils‑inu s‑lbaḍl.

⁵ ur‑sar‑rad‑awn‑iniġ ‹kunni ad‑dar lḥqq.› rad‑zgaġ ġ‑tnbaṭṭ‑inu ar lmut.

⁶ ašku ssnġ bahra is‑giġ wad iṣlaḥn, amẓġ bdda ġ‑wawal‑an. kullu mad‑skrġ ġ‑uwssan‑inu, ur‑fllas‑tʷgraẓ ul‑inu.»