ayyub 25 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

awal n‑bildad f‑bnadm

¹ isawl‑d bildad gu‑šuḥ ġakudan yini:

² «rbbi ar‑itḥkam ar‑issiwid, ar‑izzga sslamt ġ‑tattuyt‑ns.

³ is‑ḥuddan ikabarn n‑lmlayka‑ns? is‑illa mani‑f‑ur‑a‑tkkat tifawt‑ns?

⁴ mamnk a‑iẓḍar bnadm a‑ig wad iṣlaḥn ġ‑umnid n‑rbbi? mamnk a‑iẓḍar yan‑d‑iluln zġ‑tmġart a‑ig wad iṣfan?

⁵ iġ‑ur‑as‑isfaw‑wayyur ula ṣfan itran ġ‑iẓri‑ns,

⁶ mamnk a‑ur‑dars‑inaqṣ bnadm lli‑igan zund abh̬h̬uy, ula yus n‑bnadm lli‑irwasn tawkka?»