ayyub 14 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ «kraygatt bnadm iluln zġ‑tmġart, drusn‑uwssan‑ns, ɛmmrn s‑tmmara.

² issufġ tayyawt d‑ujddig, imikk s‑isllaw, izri zund amalu laḥ‑t.

³ izd wan ġwan a‑tssmuqqult a‑yyi‑tawit tḥkamt flla?

⁴ ma‑iẓḍarn a‑d‑yasi ma iṣfan zġ‑mani indsn? ur‑iẓḍar yan.

⁵ lliġ tḥasbt ussan n‑bnadm, tissant mnnaw‑iyrn a‑ra‑izri, tglit‑t s‑iwtta ma‑ur‑issuruf.

⁶ zayd tssanft flla alln‑nk ad‑zriġ ass‑inu ġ‑lhna zund imkiri ġ‑twuri‑ns.

⁷ «ha taṣġart, dars rrja. iġ‑ttyawbbay, ra‑th̬llf d‑ur‑sar‑ḍrn lh̬luf‑ns.

⁸ wah̬h̬a uwssrn iẓuran‑ns ġ‑wakal, immt ugȷ̈̇ȷ̈̇a‑ns ġ‑ugdrur,

⁹ ġir a‑tkḍḍu aman s‑di‑tluḥ s‑tayyawin‑ns, tssufġ tiṣṭṭwin‑ns zund afruh̬ bḥra ityawẓẓan.

¹⁰ imma bnadm, iġ‑immut, hatin itmma. iġ‑as‑laḥ unfus, ma‑ys‑sul‑illan?

¹¹ zund tamda f‑tssayk taġart, nġd asif f‑bbin‑waman izwu,

¹² ġmkan a‑ra‑iẓl‑urgaz, ur‑sar‑inkir. iġ‑ur‑ittin ignwan, ur‑ra‑d‑ifaq bnadm, ula iduyy zġ‑iyṭs.

¹³ «amar yufan a‑yyi‑n‑tḥḍut dar willi mmutnin, tssntlt‑iyi‑n ard izri lġaḍab‑nk. amar yufan ad‑iyi‑tskrt lajal, ar tigira‑ns tktit‑iyi‑d.

¹⁴ iġ‑immut bnadm, is‑rad‑daġ‑iddr? ujadġ ad‑qlġ kullu ussan n‑tkrrayt‑inu, mra is‑ufiġ a‑yyi‑tskrt zġ‑ljdid tigira,

¹⁵ tġrt‑iyi‑d jawbġ‑ak, tirit mayd tskrt s‑ifassn‑nk,

¹⁶ tgablt aġaras‑inu bla da‑ttḥasabt ddnub‑inu,

¹⁷ tḥḍut lɛyub‑inu ġ‑uwmmis, a‑ur‑sul‑gigi‑ibayyn kra yʷh̬šnn.

¹⁸ «zund adrar itmdun ar‑d‑iṭar, nġd zund ajarif itndudiyn zġ‑udġar‑ns,

¹⁹ nġd zund asif injjrn iẓran, nġd zund anggay ikkrḍn agdrur n‑wakal, ġmkan a‑s‑a‑ttkkist rrja i‑bnadm.

²⁰ tnrut‑t yat‑twal s‑itmma, tbddlt udm‑ns tssmsrt‑t.

²¹ iġ‑njḥn tarwa‑ns, ur‑ra‑yissan, nġd dullan, ur‑ra‑stt‑gisn‑yawi.

²² ur‑a‑issḥssa abla s‑ungaẓ n‑ddat‑ns, d‑ur‑a‑yalla abla f‑ih̬f‑ns.»