ayt‑lawi 13 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

luṣiyat f‑injdamn

¹ isawl‑d sidi rbbi s‑musa d‑harun yini‑asn:

² «iġ‑illa kra n‑yan dars kra n‑ubzzag nġd kra n‑iḥbbi nġd kra iššbušh̬n ġ‑ilm‑ns, ur‑issin is‑iẓḍar a‑ig ljdam, ih̬ṣṣa‑t a‑ibidd ġ‑lgddam n‑harun nġd yan ġ‑tarwa‑ns lli‑ganin imsakmurn.

³ ra‑n‑yaggʷ‑umsakmur ilm n‑walli‑yaġ kra. iġ‑iẓra kra n‑unẓaḍ iwrri imllul ġ‑ilm‑ns, iban ula f‑tfiyi‑ns is‑tuḍn, han aṭṭan n‑ljdam ayan. wanna‑ġ‑iẓra‑umsakmur ġayan, iɛlm srs is‑inds.

³⁸ «iġ‑illa kra n‑urgaz nġd tamġart gis iḥbba mllulnin ġ‑ilm‑ns,

³⁹ ih̬ṣṣa amsakmur a‑tn‑iẓr. iġ‑mlluln iḥbba awin s‑twrġi, ġir tafuri ayn‑d‑iffuġn ġ‑ilm‑ns, hati iġus nttan.

⁴⁰ «wanna‑mi‑iḍr‑wazzar n‑tqašša n‑ih̬f, ġir inaqṣ‑as‑wazzar, hati iġus.

⁴¹ wanna‑mi‑iḍr‑wazzar n‑ignzi, ġir inaqṣ‑wazzar n‑ignzi, hati iġus.

⁴² walaynni iġ‑yuḍn s‑kra n‑ubrray imlluln iddan s‑tẓuġi, iban ġ‑tqašša n‑ih̬f nġd ignzi, han ljdam ayan‑d‑iffuġn ġ‑tqašša n‑ih̬f ula ġ‑ignzi.

⁴³ ih̬ṣṣa amsakmur a‑t‑iẓr. iġ‑yuḍn s‑ubzzag‑an imlluln iddan s‑tẓuġi ġ‑tqašša n‑ih̬f nġd ignzi, d‑iġ‑irwas ġmklli itgga ljdam ġ‑ilm,

⁴⁴ han argaz‑an iga anjdam, ig wad indsn. ih̬ṣṣa amsakmur a‑srs‑iɛlm is‑inds, ašku illa‑waṭṭan f‑ih̬f‑ns.

⁴⁵ «wanna igan anjdam, illa fllas a‑ilssa timlsa bbinin, ifsi azzar‑ns, idl anfur‑ns n‑uflla, ar‑ittall awal‑ns ar‑ittini: ‹nndast, nndast.›

⁴⁶ ra‑ig wad indsn maḥdd gis illa ljdam. hati nndast a‑iga. ra‑izdġ waḥdut, tili‑tzdġt‑ns ġ‑brra n‑usras.»