ayt‑lawi 10 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

lmut n‑nadab d‑abihu

¹ nkrn tarwa n‑harun nadab d‑abihu, yasi kud yan taṭṭast‑ns, gn gisnt tirgin rġanin, grn‑in gisnt lbh̬ur. ssakmurn‑in lɛafiyt lli‑ur‑izrin ġ‑umnid n‑sidi rbbi ula yuṣṣa‑tn fllas.

² tffuġ‑d lɛafiyt itjhhdn ġakudan zġ‑dar sidi rbbi, tjdr‑tn kullu, mmtn ġ‑umnid n‑sidi rbbi.

³ yini musa i‑harun: «ha ma‑inna rbbi da‑bdda‑illan: ‹rad‑gġ rbbi amẓlay ġ‑dar willi‑d‑sri‑takmurnin, gġ wad imqqurn ġ‑iẓri n‑kullu mddn‑inu.› » imma harun ifssa.

tinbaḍin n‑imsakmurn

⁸ isawl‑d sidi rbbi s‑harun yini‑as:

⁹ «ġakud nna‑ra‑tkšmt kiyi ula tarwa‑nk s‑uh̬iyyam n‑umnaggar, a‑ur‑tsum kra iktin ar‑issmlilliy, a‑ur‑tmmtm. tgt mayad a‑ig luṣiyt izgan tasutin f‑ṭiyyaḍ.

¹⁰ illa fllawn a‑taṭṭum ma‑ityawẓlayn i‑rbbi siditun zġ‑ma‑ur‑as‑ityawẓlayn, ar‑taṭṭum ula ma‑indsn zġ‑ma‑iġusn,

¹¹ ar‑tsslmadm i‑ayt‑israyil kullu luṣiyat lli‑asn‑mliġ f‑ils n‑musa.»