astir 9 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

thnnan‑uwdayn zġ‑inuwwašn‑nsn

¹ ayyur wis sin d‑mraw (12) lli‑mi‑ttinin ‹adar›, ġ‑wass wis kraḍ d‑mraw (13), tlkm tizi a‑ttut‑tnbaṭṭ n‑ugllid d‑lamr‑ns. ass‑an a‑ġ‑qṣadn inuwwašn n‑uwdayn a‑tn‑nrun, imil iwrri‑wass‑an ig ġwalli‑ġ‑nran‑uwdayn willi‑tn‑kurhanin.

² munn‑uwdayn ġ‑illiġ zdġn ġ‑tmdinin n‑kullu timizar n‑ugllid aḥašwiruš, a‑n‑mdin ifassn‑nsn utn ġwilli qṣadnin a‑tn‑hlkn. tizi‑an ur‑iẓḍar yan a‑ibidd ġ‑lgddam‑nsn, ašku ḍrnt‑tksaḍ‑nsn ġ‑kullu iqbiln‑an.

³ nkrn kullu iriyasn n‑tmizar‑an, ntni d‑lḥukkam d‑inmġurn d‑ingabaln, ɛawnn i‑uwdayn, ašku ksuḍn zġ‑murdah̬ay.

⁴ ašku murdah̬ay iwrri iga wad ihiyyan ġ‑tgmmi n‑ugllid. ityawssan ism‑ns ġ‑kullu timizar‑an, ašku ar‑itzayad‑urgaz‑an murdah̬ay ġ‑tmuġra.

⁵ utn‑uwdayn kullu inuwwašn‑nsn s‑uwzzal, nġn‑tn fnun‑tn. skrn ġmklli ran ġ‑kullu willi‑tn‑ikurhan.

⁶ ula ġ‑tmdint idusn n‑šušan, nġan‑uwdayn smmus id‑miyya (500) n‑urgaz fnun‑tn.

¹⁶ munn‑uwdayn lli‑illan ġ‑tmizar yaḍni n‑ugllid ad‑mmaġn ula ntni f‑tudrt‑nsn. thnnun ġakudan zġ‑inuwwašn‑nsn. nġn ssa n‑id‑mraw d‑smmus n‑walf (75 000) ġ‑ġwilli‑tn‑ikurhan, walaynni ur‑n‑gin afus s‑wayda‑nsn.

¹⁷ ijra mayan ġ‑wass wis kraḍ d‑mraw (13) ġ‑wayyur ‹adar›. sunfun ilmma ġ‑wass wis kkuẓ d‑mraw (14), gn‑t d‑wass n‑lɛid d‑lfrḥ.