astir 7 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

imnsi wis sin ġ‑dar astir

¹ ikšm‑ugllid d‑haman ad‑ššn imnsi ġ‑dar‑tgllidt astir tis snat‑twal.

² lliġ a‑ssan aman n‑waḍil iktin tigira n‑imnsi yini‑as‑daġ‑ugllid: «ma‑trit a‑tagllidt astir? rad‑am‑t‑fkġ. ma‑ra‑zġ‑gigi‑tḍalbt? wah̬h̬a iga mnaṣṣ n‑tgldit‑inu, rad‑am‑t‑ssafuġ.»

³ tsawl‑d‑tgllidt astir tini‑as: «iġ‑ufiġ rrḍa ġ‑iẓri‑nk ay‑agllid, d‑iġ‑iga lh̬aṭr i‑ugllid, riġ zġ‑gik a‑tjjnjmt tudrt‑inu. ḍalbġ zġ‑gik a‑tjjnjmt ula mddn‑inu.

⁴ ašku ha‑yaġ nnza, nkki ula mddn‑inu, a‑nmmt ntyawhlak laḥ‑aġ. mra is‑nnza a‑ng ġir ismgan d‑tsmgin, ur‑rad‑iniġ yat, ašku tanukmut‑nġ ur‑tgi ma‑s‑a‑zziwizġ agllid.»

⁵ irar‑as‑d‑ugllid aḥašwiruš ġakudan, isqsa tagllidt astir: «manwa inuwwan ġayan? maniġ illa ġwan izɛmn a‑iskr ġmkan?»

⁶ tini‑as astir: «amḍaḍḍ d‑unuwwaš, hati iga‑t bu‑lɛar‑ad haman.» ḍrnt‑d‑tksaḍ bahra ġ‑haman ġakudan ġ‑umnid n‑ugllid d‑tgllidt.

⁷ inkr‑ugllid ifl lkas‑ns, ṭiyr‑as bahra, iffuġ s‑talɛrṣt n‑tgmmi. haman iqama ar‑issḥurmu tagllidt astir f‑tudrt‑ns, ašku iẓra izd ššrr a‑gis‑iqṣad‑ugllid.

⁸ lliġ‑d‑iwrri‑ugllid zġ‑talɛrṣt s‑uḥanu n‑imnsi, yaf‑n haman ikʷna‑n f‑tisi lli‑ġ‑tlla astir. yini‑ugllid: «is‑ira a‑itɛdda ula f‑tgllidt ġ‑lgddam n‑iẓri‑nu ġ‑tgmmi‑nu?» sul‑a‑isawal s‑d‑dln imqasan‑ns udm i‑haman.

⁹ isawl‑d ḥarbuna ġakudan lli‑igan yan zġ‑ingabaln zuzlnin lli‑itsh̬h̬arn f‑ugllid yini: «han asatur lli‑iɛdl haman a‑n‑gis‑yagʷl murdah̬ay lli‑ijjnjmn agllid s‑wawal‑ns, illa ġ‑tiddi‑ns sin id‑mraw d‑smmus (25) mitru, hatin sul ibidd ġ‑tama n‑tgmmi n‑haman.» yini‑asn‑ugllid: «agʷlat‑t‑in fllas.»

¹⁰ agʷln haman f‑usatur lli‑iskr f‑murdah̬ay. hddnn ilmma iriyn n‑ugllid.