amslmd 9 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

willi mmutnin ur‑ssinn yat

¹ kullu mayan, ḥḍiġ‑t ġ‑uwl‑inu. ar‑swingimġ ġ‑willi ṣlaḥnin d‑willi dar‑tḥkimt ula maylli skarn, mamnk a‑kullu‑llan ġ‑ufus n‑rbbi. walaynni ur‑issin yan gisn ma‑rad‑as‑yili, is‑ra‑fllas‑irḍu rbbi nġd ikurha‑t.

² yan ad‑kullu‑gan ġ‑ma‑rad‑asn‑ijru, ig‑iyt wad inmn nġd wad iɛwwjn, ig‑iyt wad ifulkin nġd wad yʷh̬šnn, ig‑iyt wad iṣfan nġd wad indsn, ig‑iyt wad yakkan tiġrṣi nġd wad ur‑tt‑yakkan. zund walli iskarn lh̬ir zund walli iskarn lɛar, zund walli itgallan s‑rbbi zund walli ur‑itgallan.

³ ġwad a‑išqan ġ‑kullu ma‑ityawskarn ġ‑ddu tafukt. kullu mddn, zund zund a‑rad‑asn‑iggru. d‑kra yaḍni, ulawn n‑tarwa n‑bnadm ɛmmrn s‑ma‑yʷh̬šnn, maḥdd ddrn illa‑unufl ġ‑uwl‑nsn, ittin ilmma s‑dar willi mmutnin.

⁴ imma yan sul iqaman ġ‑willi ddrnin, hati iṭṭaf rrja. s‑ṣṣaḥt aydi iddrn yuf izm immutn.

⁵ ašku willi ddrnin ssnn is‑rad‑mmtn, imma willi mmutnin ur‑ssinn yat. ur‑sul‑rad‑amẓn kra n‑tġrad, ašku ur‑sul‑a‑tn‑d‑iktti yan.

⁶ ntni, laḥ‑asn ma‑tn‑itrḍun, ula ma‑tn‑itkrhun, ula ma‑ttirin i‑ih̬f‑nsn. ur‑sul‑ṭṭafn taġamt ġ‑ma‑ityawskarn ġ‑ddu tafukt.

fjjij f‑ih̬f‑nk maḥdd tufit‑as

⁷ zayd ġilad ar‑tšttat tirmt‑nk tfrḥt, tsut aman n‑waḍil tssfjjijt f‑uwl‑nk, ašku mayan a‑s‑irḍa rbbi.

⁸ ls timlsa n‑uḥwaš, tẓẓġurt ih̬f‑nk tfjjijt.

⁹ zzri tudrt‑nk d‑tmġart lli‑dark‑iɛzzan kullu ussan n‑tudrt lli‑ak‑ifka rbbi ġ‑ddu tafukt bla amya. ašku ġunškan a‑tga taġamt lli‑k‑id‑yuškan ġ‑tudrt‑nk ula ġ‑twuri lli‑s‑a‑ttnhataft ġ‑ddu tafukt.

¹⁰ aynna‑mi‑yufa‑ufus‑nk a‑t‑iskr, skr‑t s‑kullu tiqqi‑nk, ašku ur‑tlli‑twuri ula tanbaṭṭ ula tawassna ula taḥkimt ġ‑udġar n‑willi mmutnin lli‑s‑ra‑tddut.

¹¹ ẓriġ kra yaḍni ġ‑ddu tafukt. yan ifssusn ġ‑tizzla ur‑a‑bdda‑izgguru ġ‑ššala, ula willi tjhhdnin ġ‑imiġ ur‑a‑bdda‑tnrun wiyyaḍ, ula willi ṭṭafnin taḥkimt ur‑a‑bdda‑trbaḥn lmɛišt, ula willi dar tafhimt ur‑a‑bdda‑ssigatn ayda, ula willi dar tawassna ur‑a‑bdda‑tamẓn rrḍa. ašku ar‑asn‑d‑kullu‑itawi lḥal ula luqt kra ur‑itam yan.

¹⁷ yuf i‑yan a‑isfld i‑iwaliwn hnnanin ġ‑dar bu‑tḥkimt, wala isfld i‑waqqur itjhhdn ġ‑dar‑unmġur n‑inafaln.

¹⁸ taḥkimt tuf imqlad n‑imiġ, walaynni yan bu‑lɛar ar‑issh̬ṣar tugtt n‑ufulki.