amslmd 8 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

tntl lmɛna n‑kullu ma‑illan

¹⁴ illa kra yaḍni ur‑gis amya ġ‑iggi n‑wakal. mddn ɛdlnin ar‑asn‑ijrru ġaylli sthllan mddn ʷh̬šnnin, ula mddn ʷh̬šnnin ar‑asn‑ijrru maylli sthllan mddn ɛdlnin. nniġ nkki, ġayan ula ntta, ur‑gis amya.

¹⁵ iniġ daġ, ur‑illi ma‑yufn lfrḥ, ašku bnadm ur‑dars kra n‑ufulki ġ‑ddu tafukt abla a‑išš isu ifrḥ. mayan a‑igan lfaytt‑ns ġ‑tkrrayt lli‑ikkat kullu ussan n‑tudrt lli‑as‑ifka rbbi ġ‑ddu tafukt.

¹⁶ lliġ rurġ ul‑inu ad‑issanġ taḥkimt, ar‑n‑taggʷaġ tiwuriw lli‑tsalan mddn ġ‑ddunit, iḍ ula azal alln ur‑a‑ẓrrant iṭs.

¹⁷ aggʷġ‑n ula iskkirn n‑rbbi, afġ‑n is‑ur‑iẓḍar bnadm a‑ifhm kullu maylli ityawskarn ġ‑ddu tafukt. wah̬h̬a da‑itmmaġ bnadm a‑t‑ifhm, ur‑ra‑yissan lmɛna‑ns. ar‑ttinin id‑bu‑tḥkimt is‑t‑ssnn, walaynni ula ntni ur‑t‑fhimn.