amslmd 7 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

taggug‑tfhimt f‑bnadm

⁸ han isiggʷra n‑tġawsa yuf isizwur‑ns. yuf yan dar‑illa‑uwl itṣbarn yan dar‑illa‑uwl issfurrugn.

²⁰ ur‑illi yan iṣlaḥn ġ‑ddunit ar‑bdda‑iskar afulki wala jji yʷh̬šn.

²³ kullu mayan urmġ‑t s‑tḥkimt, iniġ «rad‑gġ aḥkim», walaynni sul‑n‑flla‑yaggug.

²⁴ aynna sttin ikkan, hatin yaggug, iwrri idru bahra. ma‑iẓḍarn a‑t‑ilkm?

²⁵ ha‑yyi rurġ lɛaql‑inu ad‑siggilġ issanġ kraygatt kra illan ula mamnk a‑s‑illa, iriġ ad‑fhmġ ula lh̬ʷšant n‑unafal d‑lh̬lawt n‑umɛḍur.

²⁶ afġ‑n ġakudan kra iḥrran uggʷar n‑lmut, a‑stt‑igan d‑tmġart da‑mi‑iga‑uwl‑ns taẓqqurt ula ššbkt, gn ula ifassn‑ns iskraf. han ur‑ra‑zġ‑gis‑itnjam abla wanna f‑irḍa rbbi, imma bu‑lh̬ʷšant ar‑n‑dars‑ityamaẓ.

²⁷ inna‑umslmd, ha mad‑ufiġ ġakud lliġ a‑ssmunuġ tiġawsiwin yat s‑yat f‑ad‑issanġ kullu ma‑illan.

²⁸ s‑nniyt‑inu a‑s‑a‑siggilġ, walaynni ur‑iyi‑iffuġ lḥsab. ufiġ‑n yan ġ‑gr irgazn kullutn, walaynni ġ‑gr‑tmġarin ur‑ufiġ yat.

²⁹ han taġawsa‑yad kad‑ufiġ. rbbi iskr bnadm inm, walaynni ntni ar‑ssigatn išabukn.