amslmd 5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

tiksaḍ n‑sidi rbbi

¹ iġ‑tddit s‑tgmmi n‑rbbi, rar lɛaql s‑ma‑tskart. yuf a‑n‑takmurt a‑tsflidt, wala da‑n‑takkat tiġrṣiw n‑inafaln lli‑iskarn lh̬ʷšant bla da‑gis‑swingimn.

² a‑ur‑tsawalt bla tswingimt, ula da‑izrab‑uwl‑nk a‑yini kra n‑wawal ġ‑lgddam n‑rbbi. lliġ‑n‑illa rbbi ġ‑ignna, tilit kiyi f‑wakal, rar lɛaql ad‑idrasn iwaliwn‑nk.

³ ašku yan itlhun s‑tġawsiwin ggutnin, ra‑t‑jllunt‑twargiwin, d‑yan dar iwaliwn ggutnin, ra‑ig imi‑ns d‑win‑unafal.

⁴ iġ‑tqawlt i‑rbbi s‑kra, a‑ur‑tmaṭlt a‑ti‑tssafut, ašku ur‑a‑itrḍu s‑inafaln. ssafu maylli‑s‑as‑tqawlt.

timih̬ar n‑ddunit‑ad

¹⁰ wanna dar ɛzzan iqaridn, ur‑sar‑išbɛ iqaridn, d‑wanna dar iɛzza‑wayda ur‑sar‑t‑qaddant‑tġrad‑ns. ula ġayan ur‑gis amya.

¹² iṭs n‑umkrz imim‑as, zund iġ‑išša imikk zund iġ‑išša kigan. imma tayafut n‑bu‑wayda ur‑a‑ti‑ttadja a‑iṭṭas.