amslmd 1 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

kullu kra illan ur‑gis amya

¹ iwaliwn n‑umslmd lli‑igan yus n dawd, ig agllid ġ‑urušalim.

² bla amya, bla amya, ġmkan a‑s‑a‑ittini‑umslmd. ur‑gis amya, ur‑gis amya, kullu kra illan, ur‑gis amya.

³ man lfaytt a‑illan i‑bnadm ġ‑kullu‑unhataf lli‑s‑a‑itnhataf ġ‑ddu tafukt?

⁴ tzri tasut, tggru‑as ṭayyaḍ, imma akal ġmklli iga ad‑bdda‑iga.

⁵ ar‑di‑taqlay tafukt ar‑n‑teṭar, ġakud nna‑n‑tḍr ar‑tḥarraw s‑illi‑zġ‑a‑di‑taqlay.

⁶ ar‑iṣwaḍ‑waḍu s‑ljanub, ar‑d‑itwrri s‑ššamal, ar‑itlulliy ard iwrri‑waḍu s‑illiġ ttin ikka.

⁷ isaffn ar‑kullu‑tazzaln s‑umda, walaynni ur‑jji‑iɛmmir‑umda, ašku ar‑di‑twrrin‑waman s‑isaffn lli‑zġ‑d‑uškan.

⁸ kraygatt kra illan, ar‑issrmay bnadm. ur‑t‑qaddan iwaliwn ma‑s‑a‑isawal, ula da‑ttɛmmar ṭiṭṭ s‑mayd ttmnad, ula da‑itšbaɛ‑umẓẓuġ s‑ma‑mi‑isflid.

⁹ maylli izrin a‑rad‑daġ‑yili, d‑ġaylli ityawskarn a‑rad‑daġ‑ityawskar. ur‑illi yat igan ljdid ġ‑ddu tafukt.

¹⁰ is‑illa kra ar‑fllas‑ttinin «hati ljdid ayad»? ula nttan illa‑yad zġ‑zman, izwur‑aġ‑d kullwaġ.

¹¹ ašku mddn ur‑a‑d‑swingimn maylli izrin. ula mayd darnġ illan, ur‑ra‑t‑id‑swingimn willi‑aġ‑d‑ggʷranin.

tawassna ula taguḍi

¹² nkki amslmd giġ agllid f‑israyil ġ‑urušalim.

¹³ sslhiġ ih̬f‑inu ad‑siggilġ ar‑sqsaġ s‑tḥkimt‑inu ġ‑kullu ma‑ityawskarn ġ‑ddu ignwan. mnšk a‑tšqa‑twuri lli‑d‑ifka rbbi i‑tarwa n‑bnadm ad‑srs‑tlhun.

¹⁴ ẓriġ kullu ma‑ityawskarn ġ‑ddu tafukt, hati bla amya a‑iga, zund yan itakʷin a‑yamẓ aḍu.

¹⁵ aynna iɛwwjn, ur‑iẓḍar a‑inm, d‑aynna inaqṣn ur‑iẓḍar a‑ityawḥasab.

¹⁶ nniġ d‑ih̬f‑inu: «ha‑yyi wrriġ ṭṭafġ taḥkimt iggutn, agʷrġ kullu willi‑yyi‑izwurn is‑a‑tḥkamn ġ‑urušalim. ẓriġ kigan d‑tġawsiwin aylliġ ssnġ ma‑illan fhmġ‑t.»

¹⁷ sslhiġ ih̬f‑inu s‑twassna n‑tḥkimt ula tin‑umuɛḍr d‑unufl, walaynni ufiġ‑n ula mayan iga zund yan itakʷin a‑yamẓ aḍu.

¹⁸ ašku tugtt n‑tḥkimt, gis tugtt n‑unkkid. yan itzayadn ġ‑twassna, ar‑itzayad ġ‑tguḍi.