2 ṣamwil 5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

dawd agllid f‑kullu ayt‑israyil

¹ aškint‑d ilmma kullu tiqbilin n‑israyil s‑dar dawd ġ‑ḥabrun, inin‑as: «nkkʷni idammn‑nk d‑ih̬ṣan‑nk a‑zġ‑nga.

² ġayd izrin, lliġ fllanġ iga šawl agllid, kiyi a‑izggurun i‑ayt‑israyil s‑imiġ ġakud nna‑nffuġ ula ġakud nna‑d‑nkšm. yini‑ak sidi rbbi ġ‑uwssan‑an: ‹kiyi a‑ra‑ikssa mddn‑inu n‑israyil, d‑kiyi a‑rad‑asn‑ig amzwar.› »

³ aškin‑d kullu imġarn n‑ayt‑israyil s‑dar dawd ġ‑ḥabrun. iskr didsn lɛhd ġin ġ‑umnid n‑sidi rbbi, ẓẓġurn‑t a‑ig agllid f‑kullu ayt‑israyil.

⁴ dawd llan dars kraḍ id‑mraw (30) n‑usggʷas lliġ iwrri ig agllid, tk‑tgldit‑ns kkuẓ id‑mraw (40) n‑usggʷas.

⁵ iḥkam ġ‑ḥabrun ssa n‑isggʷasn d‑sḍis‑iyrn f‑ayt‑yahuda waḥdutn, iḥkam ilmma ġ‑urušalim kraḍ id‑mraw d‑kraḍ (33) n‑usggʷas f‑ayt‑israyil d‑ayt‑yahuda kullutn.

⁶ iffuġ‑ugllid d‑irgazn‑ns a‑n‑akʷin f‑tmdint n‑urušalim, mmaġn d‑ayt‑yabus lli‑izdġn ġ‑wakal‑an. inin ntni i‑dawd: «ur‑ra‑di‑tkšmt s‑ġid. han ġir ibukaḍn‑nġ d‑ibiḍarn‑nġ a‑ra‑k‑in‑irar.» ašku ar‑ttinin i‑ngratsn: «dawd ur‑sar‑d‑ikšim s‑ġid.»

⁷ walaynni dawd yumẓ tamdint‑an n‑ṣiyun [urušalim] lli‑mi‑isutl‑ugadir idusn, twrri tg tamdint n‑dawd.