1 ṣamwil 22 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

munn‑d mddn s‑dar dawd

¹ irwl dawd zġ‑ġin, iddu s‑ifri n‑ɛadullam. lliġ ssnn aytmas d‑ayt‑dar babas is‑illa ġin, huwwdn s‑dars.

² munn‑d dars kullu willi illan ġ‑tnukmut, d‑kullu willi iḍfur ddin, d‑kullu willi mi tjdr tasa‑nsn. iwrri ntta iga ih̬f fllasn, yili dids ma‑itggan kkuẓ id‑miyya (400) n‑urgaz.

³ iddu dawd s‑miṣfah ġ‑tmazirt n‑muwab, yini i‑ugllid n‑muwab: «ġir adj baba d‑inna a‑d‑dark‑gawrn, ard issanġ ma‑ra‑yyi‑iskr rbbi.»

⁴ qaman ġ‑dar‑ugllid n‑muwab kullu ussan lli‑n‑irgs dawd ġ‑gr ijarifn.

⁵ yini ilmma nnabi gad i‑dawd: «ad‑ur‑tqamat ġ‑ijarifn. ffuġ‑d tkšmt s‑wakal n‑yahuda.» iffuġ‑d dawd ġakudan, iddu s‑tagant n‑ḥarit.