1 ṣamwil 14 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

šawl inra inuwwašn n‑mddn‑ns

⁴⁷ lliġ iġli šawl s‑tgldit f‑ayt‑israyil, immaġ d‑kullu inuwwašn‑ns ġ‑kraygatt tasga. immaġ d‑ayt‑muwab d‑ayt‑ɛammun d‑ayt‑adum d‑igldan n‑ṣuba, immaġ ula d‑ayt‑filisṭin. kullu manis idda, ar‑itnru mddn‑an.

⁴⁸ izayd izɛm bahra ġ‑imiġ, yut ayt‑ɛamaliq, ifukku ayt‑israyil zġ‑ifassn n‑willi‑tn‑itakʷrn.

⁴⁹ tarwa n‑šawl gan yunatan d‑yašwi d‑malkišuɛ. imma ismawn n‑istis s‑snat, tifh̬ddit tga mayrab, talli imẓẓin tga mikal.

⁵⁰ ism n‑tmġart‑ns iga aḥinuɛam illis n‑aḥimaɛaṣ. ariyas n‑inmmaġn‑ns iga abnar yus n‑nar lli‑igan ɛmmis n‑šawl.

⁵¹ ašku qiš babas n‑šawl, ula nar babas n‑abnar, ntni s‑sin gan tarwa n‑abiyal.

⁵² illa imiġ išqan d‑ayt‑filisṭin kullu ussan n‑šawl. imma šawl innaġ iẓra kra n‑yan idusn ula kra n‑yan iḥaršn, yawi‑t‑id s‑gr‑usmun‑ns.