1 igldan 16 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

aḥab agllid n‑israyil

²⁹ asggʷas wis kraḍ id‑mraw d‑tam (38) ġ‑tgldit n‑asa agllid n‑yahuda, iwrri ig aḥab yus n‑ɛumri agllid f‑ayt‑israyil. iḥkam aḥab yus n‑ɛumri f‑ayt‑israyil ġ‑tmdint n‑samira sin id‑mraw d‑sin (22) n‑usggʷas.

³⁰ iskr aḥab yus n‑ɛumri ma‑yʷh̬šnn ġ‑iẓri n‑sidi rbbi uggʷar n‑kullu willi‑t‑izwurn.

³¹ izayd lh̬ʷšant‑ad i‑tilli‑ġ‑itabɛa yarabɛam yus n‑nabaṭ. itahl izabal illis n‑atbaɛl agllid n‑ayt‑ṣidun, iddu ar‑itqasa ‹baɛl› ar‑as‑itsjad.

³² iskr yat‑tisi n‑tġrṣi i‑‹baɛl› ġ‑tgmmi n‑‹baɛl› lli‑ibna ntta ġ‑samira.

³³ izayd aḥab issbidd yat‑tggjdit n‑‹ašrah›. han aḥab iwrri issṭiyr‑tt i‑rbbi da‑illan ig rbbi n‑israyil uggʷar n‑kullu igldan n‑israyil lli‑t‑izwurn.

³⁴ ġ‑uwssan‑ns a‑ġ‑inkr ḥiyal gu‑bayt‑il, ibnu daġ tamdint n‑ariḥa. atig n‑ifh̬ddi‑ns abiram a‑s‑isrs llsas‑ns, ula s‑watig n‑yus imẓẓin sagub a‑s‑ibna imawn‑ns. mmtn s‑sin ġmklli‑s‑yad‑inna sidi rbbi s‑wawal‑ns f‑imi n‑yahušuɛ yus n‑nuwn.