iɛbrin 2 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

ajnjm ihiyyan

¹ mayan a‑s‑fllannġ‑illa a‑stt‑ntawi s‑uggʷar ġ‑ma‑mi‑nsfld, a‑ur‑njlu zġ‑uġaras.

² ašku ššrɛ lli‑d‑yuškan i‑imzwura‑nnġ f‑imi l‑lmalayka, ur‑iẓḍar yan gisn ad‑as‑yanf, walaynni tḍr lɛqubit s‑lḥqq f‑kullu wanna zgis iffuġn ula kullu wanna ur‑srs‑iskarn.

³ imma ġilad, mamnk a‑ra‑nnjm iġ‑ur‑tt‑niwi ġ‑ujnjm‑ad ihiyyan? siditnnġ yasuɛ a‑izwarn inna‑yaġ fllas, sawln fllas ula ġwilli sfldnin i‑siditnnġ mln‑aġ is‑iga lḥqq.

⁴ izzga‑t rbbi s‑lmɛjizat d‑lɛjayb d‑lquwwat ggutnin ula s‑twafkiw n‑rruḥ lqudus lli‑ifka i‑mddn ġmklli ira.

lmasiḥ iwrri iṭṭaf ddat n‑bnadm

⁵ urd lmalayka a‑mi‑ifka rbbi ad‑tḥkamn ġ‑ddunit lli‑ra‑yili, a‑stt‑igan d‑ddunit l‑ljdid lli‑f‑a‑nsawal ġilad.

⁶ walaynni ġmklli inna yan ġ‑warra n‑rbbi: «ma‑iga bnadm aylliġ a‑gis‑tswingimt, ula yus n‑bnadm aylliġ‑tt‑gis‑tiwit? imma kiyi tgit‑t‑id ġ‑ddu l‑lmalayka yan imikk, tfkt‑as ttaj l‑lmjd d‑lhibt,

⁸ trart kullu ma‑illan ġ‑ddu iḍarn‑ns.» ġmkad a‑s‑imla rbbi is‑irur kullu ma‑illan ġ‑ddu iḍarn n‑bnadm baš a‑t‑iḥkam. imma ġilad iban is‑ur‑ta‑illi kullu ġ‑ddu iḍarn n‑bnadm.

⁹ walaynni nẓra yasuɛ lli‑iwrrin illa‑d ġ‑ddu l‑lmalayka yan imikk, nẓr‑t yattuy s‑lmjd d‑lhibt f‑ssibt l‑lmut lli‑s‑immut a‑srs‑issruḥ rrḥmt n‑rbbi i‑kullu mddn.

¹⁰ rbbi a‑ih̬lqn kullu ma‑illan, ig kullu wins. iskr ma‑ifulkin lliġ iqṣad a‑imjjd anjjam‑nnġ s‑urfufn, irar mddn ggutnin ad‑gn tarwa‑ns kšmn dids s‑lmjd‑ns.

¹¹ ur‑iḥšim yasuɛ ad‑aġ‑ig d‑aytmas, ašku ġwalli issġusn ula ġwilli issġus, babatsn iga yan.

¹² inna nttan i‑babas: «rad‑iniġ i‑aytma f‑kullu ma‑tskrt, alġġ‑k ġ‑wammas n‑umnaggar.»

¹³ yini‑daġ: «ra‑n‑rjuġ ula nkki ġ‑rbbi.» yini‑daġ: «ha‑nkki d‑tarwa‑yad n‑rbbi lli‑yyi‑ifka.»

¹⁴ nkkʷni‑ad igan tarwa, nṭṭaf ddat n‑tfiyi d‑idammn. mayan a‑f‑iwrri ula ntta iṭṭaf ddat zund nkkʷni, baš a‑immt ihlk iblis lli‑dar lquwwa l‑lmut.

¹⁵ ifsi i‑kullu willi zzraynin ussan‑nsn ġ‑iskraf n‑tksaḍ l‑lmut.

¹⁶ iban is‑urd lmalayka a‑f‑iskr mayan walaynni «iskr‑t f‑mddn n‑tasut n‑ibrahim.»

¹⁷ mayad a‑f‑d‑iqqan yasuɛ a‑irwas i‑aytmas zġ‑kraygatt tasga, baš ad‑asn‑ig anmġur ihiyyan iḥnnu gisn iskr kullu maylli ḥtajjan, ibidd ġ‑gratsn d‑rbbi a‑n‑isrs tiġrsi lli‑ra‑issitti ddnub f‑bnadm.

¹⁸ imma ġilad iẓḍar a‑iɛawn kullu wanna tarmnt lh̬ʷšanat, ašku irfufn ula ntta ityaram f‑a‑iskr ma‑yʷh̬šnn.