Ŋúnuyɔ 87 - Sénoufo Nyarafolo

Siɛnnɛ pe mìɛni 'kɔ́n Siyɔn kàʔa mɛ́

1 Kore jaala ŋúnugo gī. Ŋúnudanʔa gè gàa pe ŋú nɛ́ yakpuɔnrɔ ní dè.

¹ Kore jaala ŋúnugo gī. Ŋúnudanʔa gè gàa pe ŋú nɛ́ yakpuɔnrɔ ní dè. Yewe wi 'wi kàʔa tɛ́ngɛ gè nyaguruyo wàlidɛngɛyɛ nɛ̄ yè.

² Siyɔn kàʔa ki 'Yewe dɛ́ni wè nɛ̀ tóri Yakuba kàaya yi mìɛni nɛ̄.

³ Cí, muɔ ŋáà wī Kulocɛliɛ kàʔa gè, pe 'kpuʔɔrɔ kele nìʔɛgɛlɛ 'juu muɔ wuʔu nɛ̄ gè. Ye‑ ŋɔ́ cɛ̀.

⁴ Kulocɛliɛ 'ki juu nɛ́ jo: «Ezipiti kùlo lè, nɛ́ Babilɔni kàʔa gè, yi kùlo siɛnnɛ piyē pàli sunʔɔmɔ nī, bàli pe 'mi cɛ́n bèle, nɛ́ míɛni Filisiti kùlo nɛ́ Tiiri kàʔa nɛ́ Kusi kùlo wuulo ní bèle, mi 'ki juu pe wuʔu nɛ̄ gè nɛ́ jo: ‹Bàli bèle, peli nyɛ́nì sii baa Siyɔn kàʔa nī gè.› »

⁵ Siyɔn kàʔa wuʔu nɛ̄ gè, pe bé ki juu bé jo: «Siɛnnɛ pe mìɛni 'sii baa. Kulocɛliɛ ŋáà wī Duniya wi Mìɛni Nyùgo nɛ̄ gè, wire wi 'ki sɔ́migɔ nɛ̀ tɛ́ngɛ.»

⁶ Bà Yewe 'kùlogolo sɛbɛ gèle, a wi 'ki juu ke mìɛni nigbe nigbewuʔu nɛ̄ gè nɛ́ jo: «Wàa nyɛ́nì sii Siyɔn kàʔa nī gè.» Ye‑ ŋɔ́ cɛ̀.

⁷ Bà siɛnnɛ pe béri yúu béri ŋú bé jo: «Mi nìre ti mìɛni 'yiri muɔ nī.»