Ŋúnuyɔ 8 - Sénoufo Nyarafolo

Yewe kpuɔmɔ nɛ́ siɛn wobo bè

¹ Ŋúnuŋuminɔ yiɛginiwɛ wuʔu gī. Dawuda ŋúnudanʔa gī gàa pe ŋú nɛ́ yakpuɔnrɔ ní dè, Gatiyé gɔri wè.

² ʔé Yewe, weli Kàfɔli, kányiʔɛ nɛ̄, muɔ míʔɛ ki tɔ̀ni yē kpuʔɔ dàala ni mìɛni nī díɛʔ ! Muɔ kpuɔmɔ pi 'kpúʔɔ nɛ̀ tóri nyìʔɛnɛ kpuɔmɔ nɛ̄ bè.

³ Muɔ 'ki kpíʔile pìile nɛ́ pìfiɛnyɛ yi‑ muɔ gbùʔɔrɔ bè muɔ leguulo pe nyuɔyɔ tɔ́n yè, kire ga buu pe fǎga pe fuʔɔ tɔ́n gèʔ.

⁴ A mi 'nyìʔɛnɛ wéli lè, nàa nī muɔ kiyɛ yakpiʔilige gè, yege gè nɛ́ ŋɔgɔlɔ ní gèle gàli muɔ 'kóri nɛ̀ yérige nyìʔɛnɛ nī lè,

⁵ ŋáa wī siɛn wè, dí muɔ de sɔ̀ngí de taʔa nɛ́ wi ní wè, lewiile bèle, dí muɔ de pe wuʔu sɔ̀ngí gè  ?

⁶ Muɔ 'siɛn kpíʔile wè nɛ̀ wi cɛ́rigɛ cɛ̀ muɔ tíimɛ nɛ̄, Kulocɛliɛ. Muɔ 'kùlofɔli ndɔ̀ngɔ tɔ́n gè wi nɛ̄ bè kpuɔmɔ nɛ́ kpuʔɔrɔ taʔa dè wi nɛ̄.

⁷ Muɔ 'siɛn tɛ́ngɛ wè muɔ kɔli yafaanra ti mìɛni nyùgo nɛ̄, nɛ́ yɛrɛ ti mìɛni tɛ́ngɛ wi tɔliyɔ láara yè:

⁸ sìnbaala nɛ́ nìɛyɛ yi mìɛni yè, nɛ́ míɛni nyàʔayɛrɛ ní dè,

⁹ nɛ́ yafinide ní dè dàa dī nyìʔɛnɛ nī lè, nɛ́ fúɔlɔ ní bèle kuʔɔjii luʔɔ nī gè, nɛ́ yɛrɛ ti mìɛni ní dè dàa ti tòrí kuʔɔjii koliyo nī yè.

¹⁰ ʔé Yewe, weli Kàfɔli, kányiʔɛ nɛ̄, muɔ míʔɛ ki tɔ̀ni yē kpuʔɔ dàala ni mìɛni nī lè díɛʔ !