Ŋúnuyɔ 150 - Sénoufo Nyarafolo

Yeri Yewe gbùʔɔrɔ́ nɛ́ yakpuɔnrɔ ní !

¹ Ye‑ Yewe gbùʔɔrɔ wè ! Yeri Kulocɛliɛ gbùʔɔrɔ́ wi saawalidɛngɛgɛ nī gè ! Yeri wi gbùʔɔrɔ́ nyìʔɛnɛ nī lè, bàa wi ŋɔri ti tìi tìí dè.

² Yeri wi gbùʔɔrɔ́ wi kakpoliyo kɛnmɛ nɛ̄ bè ! Yeri wi gbùʔɔrɔ́ wi kpuɔmɔ kɛnmɛ nɛ̄ bè bàa pi 'kpúʔɔ nɛ̀ tóri bè !

³ Yeri wi gbùʔɔrɔ́ yeri sìnbanyɛgɛ wíi gè  ! Yeri wi gbùʔɔrɔ́ nɛ́ màʔagɛlɛ bɔ̀licɛrigɛ ní gè, nɛ́ gɔri ní wè !

⁴ Yeri wi gbùʔɔrɔ́ nɛ́ pìnbile ní lè, nɛ́ yuɔrɔ ní dè ! Yeri wi gbùʔɔrɔ́ nɛ́ màʔagɛlɛ yakpuɔnrɔ ní dè, nɛ́ maana ní lè !

⁵ Yeri wi gbùʔɔrɔ́ nɛ́ kányiɛrɛ yakpuɔnrɔ ní dè dàa ti sɔ́migi nɛ tùngú dè ! Yeri wi gbùʔɔrɔ́ nɛ́ kányiɛrɛ yakpuɔnrɔ ní dè dáà ti cî nɛ tùngú kpuʔɔ dè  !

⁶ Yɛgɛ ó yɛgɛ ki ŋɔ́gi gè, kiri Yewe gbùʔɔrɔ́ wè ! Ye- Yewe gbùʔɔrɔ wè  !