Ŋúnuyɔ 126 - Sénoufo Nyarafolo

Yaliire tánʔa lɛ̀lɛ nɛ́ yaliire líɛ lɛ̀lɛ

1 Fundaanra tánʔagbuɔlɔ ŋúnugo gī.

¹ Fundaanra tánʔagbuɔlɔ ŋúnugo gī. Bà Yewe cé koli nɛ̀ Siyɔn kàʔa kele cuɔnri gèle, ki yé puu majo ŋɔ́niyɔ yī weli mɛ́.

² Kire lɛ̀lɛ nī lè a kátaangbuɔrɔ 'weli cò, a weli 'fundaanra yékpuʔulo wáa. Kire nɛ̄ a kùlogolo kálì siɛnnɛ 'ki juu nɛ́ jo: «Yewe nyɛ́nì kakpoliyo kpíʔile pe mɛ́ !»

³ ʔaan, Yewe nyɛ́nì kakpoliyo kpíʔile weli mɛ́, a weli sí kò fundaanra nɛ̄.

⁴ Yewe yo, koli ma weli kele cuɔnri gèle, majo bɛ̀ muɔ cî lakoliyo luʔɔ fúu gè Nɛgɛvi waama kùlo nī lè.

⁵ Bàli pe yaliire tári dè nɛ́ yéturo ní dè, peli bága yaliire líɛ dè nɛ́ fundaanra yékpuʔulo ní.

⁶ Ŋàa wi nyɛni níɛ waa wè, nɛ́ yaliitanʔara gbànvaʔaga ní gè, kányiʔɛ nɛ̄ wire bága koli de báan béri fundaanra yékpuʔulo wáari, nɛ́ wi yaliipuʔɔlɔ ní gèle tugogolo.