Ŋúnuyɔ 122 - Sénoufo Nyarafolo

Yanyige ki- puu Zerizalɛmi nī wè

1 Fundaanra tánʔagbuɔlɔ ŋúnugo gī. Dawuda wuʔu gī.

¹ Fundaanra tánʔagbuɔlɔ ŋúnugo gī. Dawuda wuʔu gī. Mi yē fundaanra nɛ̄ lɛ̀lɛ líì nī pe 'mi yɛ: «Weri waa Yewe saʔa mɛ́ gè !»

² Zerizalɛmi yo, weli tɔliyɔ yi 'yéri muɔ wìʔile nɛ̄ gèle.

³ Zerizalɛmi kàʔa ki 'sɔ́migɔ nɛ̀ faan nɛ̀ taanni kìi nɛ̄ nɛ̀ kìi cò.

⁴ Baa kire tiʔɛ nī saaya tùluyo yi waa, Yewe saaya tùluyo yè, dàa dī Isirayɛli nī wè, bèri Yewe síɛri wè, nɛ̀ yɛli nɛ́ nyakungɛngɛ siɛnrɛ ní dè.

⁵ Baa kùlofɔlilɔ kácuɔnyɔ yi yē, yire nɛ̄ Dawuda siimɛ piī tɛ́nibɛ bè kàyuʔu juu gè.

⁶ Yeri náari Zerizalɛmi yanyige wuʔu nɛ̄ gè, ye‑ jo: «Zerizalɛmi, bàli 'muɔ dɛ́ni bèle, pe‑ puu ŋɔ́daala nɛ̄ !

⁷ Ki 'yɛli yanyige ki‑ puu muɔ gunliriye sunʔɔmɔ nī bè, dí ŋɔ́daala sí puu míɛni muɔ nàkpaanya nī yè !»

⁸ Mi siinyɛninɛ peli kɛnmɛ nɛ̄, nɛ́ mi kàdɔnminɔ ní bèle, m'bé ki juu bé jo: «Yanyige‑ ki puu muɔ nɛ̄ !»

⁹ Yewe weli Kulocɛliɛ wi saʔa kire kɛnmɛ nɛ̄ bè, m'béri kacɛ̀ngɛ caa gè muɔ mɛ́, Zerizalɛmi.