Ŋúnuyɔ 121 - Sénoufo Nyarafolo

Yewe bé pɛn bè pa mi sáʔa

1 Fundaanra tánʔagbuɔlɔ ŋúnugo gī.

¹ Fundaanra tánʔagbuɔlɔ ŋúnugo gī. Mi 'mi nyapigele yɛ̀gɛ gèle nyaguruyo kɔli mɛ́ gè. Sé mi sáʔafɔli wi bé kɔ́n ?

² Yewe bé pɛn bè pa mi sáʔa, wire ŋáà wi 'nyìʔɛnɛ nɛ́ dàala faan lè.

³ Wiǐ ki yaʔa muɔ tɔliyɔ yi‑ pɔ̀liʔ. Wire ŋáà wi muɔ wéli wè, wiǐ je ga ŋɔ́ni bè kpɔni púloʔ !

⁴ Ki n'gɛ, Isirayɛliyé wélifɔli wè, wi wè nɛ ŋɔ́ni nɛ kpɔniʔ, wi míɛni wè nɛ ŋɔ́niʔ !

⁵ Yewe yē muɔ wélifɔli, Yewe yē muɔ nyúmɔ, wi yē muɔ kàliige kɔli mɛ́.

⁶ Cɛnvugo nɛ̄ gè, cɛngɛ kiǐ jeri muɔ wáariʔ, nɛ́ míɛni pìlige nī gè, nzùʔu kiǐ jeri kapiile kpínʔini muɔ nɛ̄ʔ !

⁷ Yewe béri muɔ wéli kapiʔi ki mìɛni nɛ̄; wi béri muɔ sìi wéli wè.

⁸ Yewe wi béri muɔ wéli a muɔ nɛ waa tánʔana nɛ̄ lè, a muɔ 'koli nɛ báan míɛni wè, píra ŋáà nī wè nɛ́ lɛ̀lɛ ó lɛ̀lɛ nī wè.