Ŋúnuyɔ 120 - Sénoufo Nyarafolo

Mi nɛ yanyige caa

1 Fundaanra tánʔagbuɔlɔ ŋúnugo gī .

¹ Fundaanra tánʔagbuɔlɔ ŋúnugo gī. Mi funbiɛnrɛ nī dè, a mi 'kòkuulo wáa Yewe mɛ́ wè, a wi 'lúʔu m'mɛ́.

² Yewe yo, ma mi píle ma suɔ káfinɛvinɛnɛ nyuɔyɔ mɛ́ yè, nɛ́ pe siɛnfaanni nyigele ní gèle.

³ Siɛnfaanni nyigele yo, gáa cɛ Yewe wi bága kpíʔile bè yeli wuʔɔ ? Gáa wi bága fàri kire wuʔɔgɔ nɛ̄ gè ?

⁴ Wi bága kapiɛngbuɔn ŋaaya tìrige yè yeli nɛ̄, nyàa pe 'le kàsunnɛganʔana nī gèle nɛ̀ yi kpúɔn nɛ̀ fìrige yè.

⁵ Yawuʔɔ gī mi nɛ̄, bɛ̀ mi pɛ́nì kò nabɔnwɔ liilige Mɛsɛki kùlo nī lè, bé ní kò Kedari bùguro nī dè.

⁶ Ki 'mɔgɔ nɛ̀ cáanri mi yē tɛ́niwɛ pàli sunʔɔmɔ nī bàli yanyige ki 'biɛn gè.

⁷ Mi nɛ yanyige caa, nɛ̀ ki yaʔa a mi nɛ yanyige wuʔu nyu gè, peli bèle, peli níɛ kapiɛnnɛ caa.