Ŋúnuyɔ 113 - Sénoufo Nyarafolo

Yewe wiī duniya wi mìɛni naamɛ

¹ Ye- Yewe gbùʔɔrɔ wè  ! Yeli bálì bīɛlɛ Yewe baakuɔlɔ bèle, yeri Yewe míʔɛ gbùʔɔrɔ́ gè  !

² Kpuʔɔrɔ 'yɛli ti de tari Yewe míʔɛ nɛ̄ gè, bè ki séli ŋɔ̀ wè fúɔ lɛ̀lɛ ó lɛ̀lɛ !

³ Cɛngɛnyɛnifoligɔli mɛ́ gè bè sa nɔ̀ cɛngɛnyɛnijiingɔli mɛ́ gè, siɛnnɛ peri Yewe míʔɛ kpóri gè !

⁴ Yewe wiī kùlogolo ke mìɛni naamɛ; wi kpuɔmɔ piī nyìʔɛnɛ naamɛ wómiwomi !

⁵ Ŋáa wī bɛ̀ Yewe weli Kulocɛliɛ tíɛlɛ wè ? Wiī baa tɛ́niwɛ wi kùlofɔlilɔ kácunʔɔ nɛ̄ gè nyìʔɛnɛ tiɛliiliye nī yè,

⁶ níɛ̀ nyùgo cùungu gè nɛ̀ nyìʔɛnɛ nɛ́ dàala wéli lè.

⁷ Wire wiī nɛ fɔ̀ngɔfɔlilɔ yigi bèle fuɔnrɔ nī dè, níɛ fuunmɔfɔlilɔ yigi bèle káfugo nī gè,

⁸ bè pe kpíʔile pe‑ tɛ́ni nɛ́ siɛnkpolilo ní bèle, wi kùlo siɛnnɛ siɛnkpolilo bèle.

⁹ Wiī nɛ ki kpínʔini cɛliwɛ ŋáà wī sìndigicuɔ wè, wire nɛ̂ kò pìile nuu nɛ̀ fundaanra taa. Ye- Yewe gbùʔɔrɔ wè  !